"പാരീസിൽ നിന്നു കൊണ്ടുവന്ന പച്ചക്കറികൾ
തോരൻ വച്ചതുണ്ട്...
ആല്പ്സിീന്റെ താഴ്വാരത്തിൽ വിളഞ്ഞുപഴുത്ത
ചുവന്ന ആപ്പിളുണ്ട്...
ലക്സംബര്ഗിപലെ പിയേര്സും സ്പാനിഷ് വൈനും…
നീ വരുന്നുണ്ടോ?”
കുത്തിയൊലിച്ച മഴച്ചാലിൽ ചുവടു തെറ്റിയ ഞാൻ
എയര്പോയര്ട്ട് - റോള ബസ്സിലെ വിയര്പ്പി ൽ
ഏങ്കോണിച്ച് നിന്നു.
ഉടഞ്ഞ അച്ചാർകുപ്പി പോലെ ഒരുവൻ
പുതുക്കത്തിന്റെ പെണ്ചൂുടും നെഞ്ചിലൊട്ടിച്ച്.
പുതുക്കാത്ത ക്രെഡിറ്റ് കാര്ഡാെയി മറ്റൊരാൾ
നരച്ച കുറ്റിത്താടിയിൽ കാലം തിരഞ്ഞ്.
പരിധിക്കു പുറത്തായ സെല്ഫോരണായി ഒരുവൾ
ഇടിഞ്ഞ ഉടല്വറടിവിനെ ജീന്സ്ണ അണിയിച്ച്.
ഉമ്മയുടെ പൊന്നുമ്മകളും ഉപ്പയുടെ വിരല്ക്കുചറികളുമായി
വിലാസം തെറ്റിയ ചില മറുമൊഴിക്കത്തുകൾ.
കൊടുക്കാൻ മറന്നുപോയ നൂറ്റൊന്ന് സാന്ത്വനങ്ങൾ
കീശയിൽ പരതി ഒരു വാര്ദ്ധ ക്യം.
ഇളകാൻ മെനക്കെടാത്ത ഉടുമ്പിനെപ്പോലെ
ബ്ലൂടൂത്തിൽ കോര്ക്കുപ്പെട്ട കൌമാരം.
തെയ്യച്ചിലമ്പിന്റെ മിന്നലൊളി ചിതറിച്ച്
വേഷമഴിച്ചുവച്ച ഒരു വയനാടൻ കുലവൻ .
വിഷവാതകത്താൽ വീര്ത്താ നീലബലൂൺ മാതിരി
ജാഫ്നയിൽ നിന്നൊരു കനലടുപ്പ്.
നര്മ്മിദയുടെ കരയിലെ ആദിവാസിച്ചെണ്ടയായി
ഇടറിയിടറി ഒരു ഹൃദയതാളം.
മണിപ്പൂരിൽ നിന്നൊരു പട്ടിണിപ്പടപ്പാട്ട്
പന്തമെരിയിക്കുന്ന നട്ടുച്ച.
മുഖവും രൂപവുമില്ലാത്ത ഇനിയും അനേകർ
കാര്ഗോ പ്പെട്ടിയുടെ സ്തൂലാകൃതികളിൽ
തുറമുഖങ്ങൾ തേടിയിഴയുന്ന സീബ്രകൾ!.
ഒരു ചീവീടിന്റെ ഡ്രിൽ മെഷീൻ.
പച്ചക്കുതിരയുടെ ധൃതിച്ചാട്ടം.
കറുമ്പിയുടെ 'ഹിമ്പേ...' വിളി.
അപ്പുവിന്റെ നീളൻ കുര.
ആന്റിന വാലുമായി ഒരുത്തിയുടെ 'മ്യാവൂ..'
ഒരു വട്ടിനിറയെ പൂവിളിക്കോലാഹലം.
വയണയിലയിൽ ചക്കത്തെരളി മണം.
ഇഴ മുറിഞ്ഞൊരു മഴത്തുള്ളി മണിയൊച്ച.
എല്ലാം... എയർ അറേബ്യയിൽ വന്നിറങ്ങിയതാ...!
ദാ... നെഞ്ചിലൂടങ്ങനെ തുള്ളിയിളകി
തുയിലുണർത്തായി നിറയുന്നു.
കടം കൊണ്ട സൂര്യ വെളിച്ചം
കൈക്കുമ്പിളിൽ പകരുന്ന സമുദ്രനടനം.
ഇല്ല, കൂട്ടുകാരാ...
ഞാന് വരുന്നില്ല.
ഒരിക്കല്ക്കൂ ടി മുഴുകേണമെനിക്ക്
ഈ മടക്കയാത്രയുടെ പുഴയിൽ .
ആത്മാവിന്റെ കടുംകയ്പുള്ള പാവയ്ക്ക
സഹജ മൌനങ്ങളുടെ ഒഴുക്കുകളിൽ മുക്കി
മധുരിക്കുന്ന നൊമ്പരമാക്കണം.
എരിപൊരി കൊള്ളുന്ന മരുത്തിളപ്പിന്റെ കടലിൽ
എനിക്ക് നീന്താനിറങ്ങണം...
ഇവര്ക്കെ ല്ലാമൊപ്പം...
ഒറ്റയ്ക്ക്.
000
കവിതയുടെ തേള്വിഷം കരളില്, കവിതയുടെ തേന്സ്വരം നാവില്, കവിതയുടെ തേങ്ങല് അകമ്പുറം, ഇത് ഭാഷയില്ലാത്ത നോവ്!
Sunday, September 04, 2011
Saturday, April 09, 2011
തോളിൽ ഉറങ്ങുമ്പോൾ
ഒന്ന്
മകളുടെ തോളിൽ ഒതുങ്ങിക്കിടക്കുമ്പോൾ
ഇടയ്ക്ക് പുറത്തുതട്ടി ‘ഓഞ്ഞിക്കോ’ ന്ന്
ചിലപ്പോൾ ‘കഴുത്ത് നോവുന്നൊണ്ടോ? ന്ന്
പിന്നെ ‘കണ്ണടച്ച് കെടന്നോ’ ന്ന്
അവൾ കുന്ന് കയറി മെല്ലെ നടക്കുന്നു.
‘മാമുണ്ണണ്ടേടാ കുട്ടാ…
ഉപ്പനെ നോക്കെടാ കണ്ണാ…
ഉമ്മ കൊടുക്കെടാ കള്ളാ..’ എന്നിങ്ങനെ
ഊറയ്ക്കിട്ടുണക്കിയ പഴഞ്ചൊല്ലുകൾ
ഉൾബോധത്തിൽ കുതറുന്നു.
‘താമരക്കുമ്പിളിലെന്തുണ്ട്..’ ന്നൊരു
താരാട്ടുപാട്ടും ചിമിഴിനു പുറത്താകുന്നു…
കുന്നിന്മേലൊരു മേഘം പൂക്കളമെഴുതുന്നു.
രണ്ട്
പഞ്ചാരച്ചുണ്ടിലെ പാൽമണം വറ്റാതെ
മകളെന്റെ തോളിൽ കിടന്നുറങ്ങുന്നു.
‘അച്ച.. എന്തച്ച’ തുളിച്ച നാവോറിന്റെ
മൺകുടം നിറയെ ത്തുളുമ്പുന്നു പാതിര.
കാറ്റ് കുഴലൂതുന്ന മൂങ്ങക്കരച്ചിലിൽ
രാത്രിയെന്നുള്ള ഭയപ്പാടിൽ വിങ്ങി
കെട്ടിപ്പിടിച്ച് കഴുത്തിൽ മുഖമണച്ച്
ചൊല്ലാതെയെന്തൊക്കെയോ മൊഴിയുന്നു
രാക്കിളി പോലെ ഇടയ്ക്കൊച്ചയില്ലാതെ
ഭീതിക്കരച്ചിലാൽ മുറ്റമടിക്കുന്നു.
ഒരു തലോടലിൻ വാവോറ്റ് കേൾക്കെ
വിശ്രാന്തിയൊരു നീണ്ട നിശ്വാസമാകുന്നു…
മകൾ എന്റെ തോളിൽ പുണർന്നുറങ്ങുന്നു.
മൂന്ന്
അമ്മയുടെ ചുമലിൽ ഞാൻ ചായുറങ്ങുന്നു
തളർന്ന പാദങ്ങൾ മുറ്റമളന്നു നീങ്ങുന്നു.
മൂന്നിടം നൊന്തൊടിഞ്ഞുള്ളൊരാ തോളിൽ
ഉരുക്കിന്റെ കെട്ടുകളുരഞ്ഞു തേങ്ങുന്നു.
മെല്ലിച്ച നെഞ്ചുകൂടിന്റെയകത്തിരുന്ന്
അന്തിക്കരിങ്കാക്ക ചേക്ക കാറുന്നു.
‘കാവിൽ വിളക്കുവച്ചില്ല പൊന്നേ…
കാളരാത്രിക്ക് കൺതിരി തെളിച്ചതില്ല.
നേരം വെളുത്തതിൽപ്പിന്നെയൊരിത്തിരി
നേരം നിലത്തിരുന്നിട്ടുമില്ല.
കാൽമടമ്പിൽ തൈലമിത്തിരി പുരട്ടി
ചൂടു കൊടുത്താൽ ശമിച്ചിടാം നൊമ്പരം.
അച്ചൻ തളർന്നെത്തുമപ്പൊഴേക്കും
കണ്ണരിക്കഞ്ഞിയാൽ പൈദാഹമാറ്റാം.
മെല്ലെയാ വിരിനെഞ്ചിൽ നിന്നെക്കിടത്തി
അല്ലൽ പുരളാത്ത മൺപാട്ടായുറക്കാം.
പാറമുന ചോരച്ചൊരച്ച്ഛന്റെ കൈകളിൽ
ഓടലെണ്ണത്തലോടൽ പോലെ പെയ്തിടാം.
ഓർമ്മകൾ ചുവയ്ക്കുന്ന നാരകച്ചോട്ടിൽ
ഓമലേ തൊട്ടിലിൽ നിന്നെയുറക്കാം.‘
നാല്
മകളുടെ തോളിൽ ഉറങ്ങിക്കിടക്കവെ
മകളെന്റെ തോളിൽ പുണർന്നുറങ്ങുന്നു,
അമ്മയുടെ ചുമലിൽ ഞാൻ ചായുറങ്ങുന്നു,
അച്ച്ഛന്റെ നെഞ്ചിലെ താളമറിയുന്നു.
ഏതൊക്കെയോ കൂർത്ത ദുഃസ്വപ്നജാലം
കട്ടെടുത്തെന്നെയും കൊണ്ടുപായുന്നു.
000
മകളുടെ തോളിൽ ഒതുങ്ങിക്കിടക്കുമ്പോൾ
ഇടയ്ക്ക് പുറത്തുതട്ടി ‘ഓഞ്ഞിക്കോ’ ന്ന്
ചിലപ്പോൾ ‘കഴുത്ത് നോവുന്നൊണ്ടോ? ന്ന്
പിന്നെ ‘കണ്ണടച്ച് കെടന്നോ’ ന്ന്
അവൾ കുന്ന് കയറി മെല്ലെ നടക്കുന്നു.
‘മാമുണ്ണണ്ടേടാ കുട്ടാ…
ഉപ്പനെ നോക്കെടാ കണ്ണാ…
ഉമ്മ കൊടുക്കെടാ കള്ളാ..’ എന്നിങ്ങനെ
ഊറയ്ക്കിട്ടുണക്കിയ പഴഞ്ചൊല്ലുകൾ
ഉൾബോധത്തിൽ കുതറുന്നു.
‘താമരക്കുമ്പിളിലെന്തുണ്ട്..’ ന്നൊരു
താരാട്ടുപാട്ടും ചിമിഴിനു പുറത്താകുന്നു…
കുന്നിന്മേലൊരു മേഘം പൂക്കളമെഴുതുന്നു.
രണ്ട്
പഞ്ചാരച്ചുണ്ടിലെ പാൽമണം വറ്റാതെ
മകളെന്റെ തോളിൽ കിടന്നുറങ്ങുന്നു.
‘അച്ച.. എന്തച്ച’ തുളിച്ച നാവോറിന്റെ
മൺകുടം നിറയെ ത്തുളുമ്പുന്നു പാതിര.
കാറ്റ് കുഴലൂതുന്ന മൂങ്ങക്കരച്ചിലിൽ
രാത്രിയെന്നുള്ള ഭയപ്പാടിൽ വിങ്ങി
കെട്ടിപ്പിടിച്ച് കഴുത്തിൽ മുഖമണച്ച്
ചൊല്ലാതെയെന്തൊക്കെയോ മൊഴിയുന്നു
രാക്കിളി പോലെ ഇടയ്ക്കൊച്ചയില്ലാതെ
ഭീതിക്കരച്ചിലാൽ മുറ്റമടിക്കുന്നു.
ഒരു തലോടലിൻ വാവോറ്റ് കേൾക്കെ
വിശ്രാന്തിയൊരു നീണ്ട നിശ്വാസമാകുന്നു…
മകൾ എന്റെ തോളിൽ പുണർന്നുറങ്ങുന്നു.
മൂന്ന്
അമ്മയുടെ ചുമലിൽ ഞാൻ ചായുറങ്ങുന്നു
തളർന്ന പാദങ്ങൾ മുറ്റമളന്നു നീങ്ങുന്നു.
മൂന്നിടം നൊന്തൊടിഞ്ഞുള്ളൊരാ തോളിൽ
ഉരുക്കിന്റെ കെട്ടുകളുരഞ്ഞു തേങ്ങുന്നു.
മെല്ലിച്ച നെഞ്ചുകൂടിന്റെയകത്തിരുന്ന്
അന്തിക്കരിങ്കാക്ക ചേക്ക കാറുന്നു.
‘കാവിൽ വിളക്കുവച്ചില്ല പൊന്നേ…
കാളരാത്രിക്ക് കൺതിരി തെളിച്ചതില്ല.
നേരം വെളുത്തതിൽപ്പിന്നെയൊരിത്തിരി
നേരം നിലത്തിരുന്നിട്ടുമില്ല.
കാൽമടമ്പിൽ തൈലമിത്തിരി പുരട്ടി
ചൂടു കൊടുത്താൽ ശമിച്ചിടാം നൊമ്പരം.
അച്ചൻ തളർന്നെത്തുമപ്പൊഴേക്കും
കണ്ണരിക്കഞ്ഞിയാൽ പൈദാഹമാറ്റാം.
മെല്ലെയാ വിരിനെഞ്ചിൽ നിന്നെക്കിടത്തി
അല്ലൽ പുരളാത്ത മൺപാട്ടായുറക്കാം.
പാറമുന ചോരച്ചൊരച്ച്ഛന്റെ കൈകളിൽ
ഓടലെണ്ണത്തലോടൽ പോലെ പെയ്തിടാം.
ഓർമ്മകൾ ചുവയ്ക്കുന്ന നാരകച്ചോട്ടിൽ
ഓമലേ തൊട്ടിലിൽ നിന്നെയുറക്കാം.‘
നാല്
മകളുടെ തോളിൽ ഉറങ്ങിക്കിടക്കവെ
മകളെന്റെ തോളിൽ പുണർന്നുറങ്ങുന്നു,
അമ്മയുടെ ചുമലിൽ ഞാൻ ചായുറങ്ങുന്നു,
അച്ച്ഛന്റെ നെഞ്ചിലെ താളമറിയുന്നു.
ഏതൊക്കെയോ കൂർത്ത ദുഃസ്വപ്നജാലം
കട്ടെടുത്തെന്നെയും കൊണ്ടുപായുന്നു.
000
Tuesday, January 11, 2011
മീൻമണമുള്ള ജീവിതം
അഞ്ചരയ്ക്ക് തണുത്തു വിറച്ചും
ഏഴേമുക്കാലിന് ധൃതി വിഴുങ്ങിയും
ആറരയ്ക്ക് ശാന്തമായ് അലസമായും
എട്ടരയ്ക്ക് തലപെരുത്ത് തളർന്നും…
വഴിനടക്കുമ്പോൾ മണക്കും…
മത്തി, അയല, ഷേരി, മാന്തൾ
മസാലക്കൂട്ടിൽ തേങ്ങയരഞ്ഞ്
മെല്ലെ തിളച്ചതിന്റെ ആവിമണം.
കിടക്കയിൽ മീൻപോലെ ഇടംവലം
തിരിഞ്ഞു കിടന്ന് ഉറക്കമിളയ്ക്കെ
വരാലുകൾ കൂട്ടംകൂട്ടമായി കരയിലേറി
ഇരുകാലുകൾ വളർന്ന് നടന്ന്
കന്യകമാരും കാമുകരുമായ ജാലം.
വറുത്തതും പൊരിച്ചതുമായി മയക്കം
കഴിഞ്ഞകാലത്തെ വിളമ്പി നീട്ടുന്നു.
മഴയിലൂടേതോ മകരച്ചാകര
ജനലിന്മേൽ മുട്ടിവിളിച്ച് ചോദിച്ചു:
മാതിയാകാത്തതാം രുചിക്കൊതികളിൽ
അടയിരിക്കുന്ന ദുരാർത്തിഭൂതമേ!
ഇടറിക്കാലുകൾ പതിക്കുവോളവും
ഉദരക്കായലിൻ തിരപ്പെരുക്കത്തിൽ
തുടിച്ചുനീന്തുവാൻ കൊതിച്ചുകൊണ്ടു നിൻ
സ്ഥിതിഗതിയുടെ പരാദജീവിതം.
***
പൊരിമീൻപടം google അടുക്കളയിൽ നിന്ന്
ഏഴേമുക്കാലിന് ധൃതി വിഴുങ്ങിയും
ആറരയ്ക്ക് ശാന്തമായ് അലസമായും
എട്ടരയ്ക്ക് തലപെരുത്ത് തളർന്നും…
വഴിനടക്കുമ്പോൾ മണക്കും…
മത്തി, അയല, ഷേരി, മാന്തൾ
മസാലക്കൂട്ടിൽ തേങ്ങയരഞ്ഞ്
മെല്ലെ തിളച്ചതിന്റെ ആവിമണം.
കിടക്കയിൽ മീൻപോലെ ഇടംവലം
തിരിഞ്ഞു കിടന്ന് ഉറക്കമിളയ്ക്കെ
വരാലുകൾ കൂട്ടംകൂട്ടമായി കരയിലേറി
ഇരുകാലുകൾ വളർന്ന് നടന്ന്
കന്യകമാരും കാമുകരുമായ ജാലം.
വറുത്തതും പൊരിച്ചതുമായി മയക്കം
കഴിഞ്ഞകാലത്തെ വിളമ്പി നീട്ടുന്നു.
മഴയിലൂടേതോ മകരച്ചാകര
ജനലിന്മേൽ മുട്ടിവിളിച്ച് ചോദിച്ചു:
മാതിയാകാത്തതാം രുചിക്കൊതികളിൽ
അടയിരിക്കുന്ന ദുരാർത്തിഭൂതമേ!
ഇടറിക്കാലുകൾ പതിക്കുവോളവും
ഉദരക്കായലിൻ തിരപ്പെരുക്കത്തിൽ
തുടിച്ചുനീന്തുവാൻ കൊതിച്ചുകൊണ്ടു നിൻ
സ്ഥിതിഗതിയുടെ പരാദജീവിതം.
***
പൊരിമീൻപടം google അടുക്കളയിൽ നിന്ന്
Monday, December 06, 2010
റിപ്പോർട്ടർ
(പത്രപ്രവർത്തക ഷാഹിനയ്ക്ക് ഐക്യദാർഢ്യം)
എല്ലാം നിനക്കു തന്നു.
കണ്ണും കാതും
തലച്ചോറും ഹൃദയവും
ചിരിയും കരച്ചിലും
വെമ്പലും വിതുമ്പലും
കുതിപ്പും കിതപ്പും
സൌമ്യതയും എതിർപ്പും…
എല്ലാം രുചിച്ചറിഞ്ഞ്
രുചിയെല്ലാം വിശകലനം ചെയ്ത്
നീ രസിച്ച് കോട്ടുവായിട്ട്
ഇളകിയിരുന്ന് പല്ലിടകുത്തി
മൂക്കിൻതുമ്പിലേക്കടുപ്പിക്കുന്നു.
അധോവായുവിന്റെ സംഗീതം
ഹിന്ദുസ്ഥാനിയിലാണെന്ന് വാദിച്ച്
അമരലീലാപുരാണങ്ങളിൽ ലയിച്ച്
ഏമ്പക്കത്തിന് മുഖവുരയായി
സ്ഖലനാന്തരം സ്ത്രീശരീരത്തൊടെന്നപോലെ
ബ്ലാബ്ലാബ്ലീ എന്ന് മൊഴിയുന്നു.
എല്ലാം നിനക്കു തന്നു.
ആയുസ്സും ആത്മാവും
അക്ഷരവും അനശ്വരതയും…
അതെല്ലാം തിരിച്ചു തരുക.
അന്വേഷണങ്ങൾക്ക് ഉരുക്കുമറയായി
നിന്റെ ഇരു തലകളും
അവിശ്രമം ഉയർന്നുനിൽക്കട്ടെ.
എന്റെ ഈ ഒരിറ്റ് കണ്ണീരിൽ
ഉയിർക്കട്ടെ നേരിന്റെ കൽപ്പകങ്ങൾ.
എന്റെ സ്മാരകത്തിന് കല്ലിടാൻ
നിന്റെ പൊങ്ങച്ച വാചാലത
ഇനിമേൽ വേണ്ട.
ഹേ… ജനാധിപത്യമേ
നിന്റെ കപട നീതിബോധത്താൽ
ഒരു യവനികയായി ചുരുളഴിഞ്ഞ്
എന്നിലെ വൈദ്യുതിയെ മൂടുക.
നിന്റെ കൂരിരുട്ടിൽ തെളിയാൻ
മിന്നാമിനുങ്ങുകളുടെ സംഘം
എവിടെനിന്നോ പുറപ്പെട്ടിട്ടുണ്ട്.
അവ എത്തിച്ചേരും വരെ
എനിക്കീ ബധിരയുടെ മൌനം
കാത്തുസൂക്ഷിക്കേണ്ടതുണ്ട്.
000
എല്ലാം നിനക്കു തന്നു.
കണ്ണും കാതും
തലച്ചോറും ഹൃദയവും
ചിരിയും കരച്ചിലും
വെമ്പലും വിതുമ്പലും
കുതിപ്പും കിതപ്പും
സൌമ്യതയും എതിർപ്പും…
എല്ലാം രുചിച്ചറിഞ്ഞ്
രുചിയെല്ലാം വിശകലനം ചെയ്ത്
നീ രസിച്ച് കോട്ടുവായിട്ട്
ഇളകിയിരുന്ന് പല്ലിടകുത്തി
മൂക്കിൻതുമ്പിലേക്കടുപ്പിക്കുന്നു.
അധോവായുവിന്റെ സംഗീതം
ഹിന്ദുസ്ഥാനിയിലാണെന്ന് വാദിച്ച്
അമരലീലാപുരാണങ്ങളിൽ ലയിച്ച്
ഏമ്പക്കത്തിന് മുഖവുരയായി
സ്ഖലനാന്തരം സ്ത്രീശരീരത്തൊടെന്നപോലെ
ബ്ലാബ്ലാബ്ലീ എന്ന് മൊഴിയുന്നു.
എല്ലാം നിനക്കു തന്നു.
ആയുസ്സും ആത്മാവും
അക്ഷരവും അനശ്വരതയും…
അതെല്ലാം തിരിച്ചു തരുക.
അന്വേഷണങ്ങൾക്ക് ഉരുക്കുമറയായി
നിന്റെ ഇരു തലകളും
അവിശ്രമം ഉയർന്നുനിൽക്കട്ടെ.
എന്റെ ഈ ഒരിറ്റ് കണ്ണീരിൽ
ഉയിർക്കട്ടെ നേരിന്റെ കൽപ്പകങ്ങൾ.
എന്റെ സ്മാരകത്തിന് കല്ലിടാൻ
നിന്റെ പൊങ്ങച്ച വാചാലത
ഇനിമേൽ വേണ്ട.
ഹേ… ജനാധിപത്യമേ
നിന്റെ കപട നീതിബോധത്താൽ
ഒരു യവനികയായി ചുരുളഴിഞ്ഞ്
എന്നിലെ വൈദ്യുതിയെ മൂടുക.
നിന്റെ കൂരിരുട്ടിൽ തെളിയാൻ
മിന്നാമിനുങ്ങുകളുടെ സംഘം
എവിടെനിന്നോ പുറപ്പെട്ടിട്ടുണ്ട്.
അവ എത്തിച്ചേരും വരെ
എനിക്കീ ബധിരയുടെ മൌനം
കാത്തുസൂക്ഷിക്കേണ്ടതുണ്ട്.
000
Monday, May 24, 2010
പുഴയെഴുതുന്ന പൊയ്നാടകം
ഓരോരോ വരകളായ്... ചായങ്ങളായ്
പുഴ ഒരസ്തമയം സ്വപ്നം കാണുമ്പോള്
മേഘവില്ലിലൊരു കണ്ണേറുകനല് മാത്രം
ഒളിച്ചും പാത്തും അടങ്ങാതടങ്ങി.
ചാഞ്ഞുറങ്ങിയൊരു പൂവരശ്
ഞാണില്ലാത്തൊരു മുതുതെങ്ങ്
കാക്കപ്പൂവള്ളിപ്പടര്പ്പില്
കരയുന്നൊരു കുളക്കോഴി
നീര്ക്കോലിക്കുളി
മാനത്തുകണ്ണിക്കനവ്...
പുഴയിതിലെല്ലാം പരന്നുപതഞ്ഞ്
പാതാളഗുഹ നൂണിറങ്ങിയൊരു
പഞ്ചാരനുണക്കഥ.
പൈതലിനൊരു പുഴയുടെ ഉച്ചിഷ്ടം
അമ്മിഞ്ഞപ്പാല്ക്കടല് നീന്തും
നിലാവിന്റെ കളിമ്പം,
കുടിച്ചാലും തീരാതെയൊഴുകുന്നത്.
അതിശുദ്ധനാം ശാന്തിക്കാരന്
മുറിഞ്ഞ പൂണൂല് പോലെ
ശരിയാകാത്തൊരു ജീവിതനുണ,
പേര്ത്തും പറയുക ദിനധര്മ്മം.
വിരഹിക്കത് നിലാവിരലാല്
ആകാശമെഴുതിയ പ്രണയക്കുറി,
വായിച്ചു മതിയാകാത്ത ചുംബനശ്രുതി.
വീടുമറന്നൊരു തീര്ഥാടകന്
വെന്തടര്ന്ന കരിഞ്ചുണ്ടില്
അമൃതമാകുമൊരു ജലസിന്ധു.
മണല്ക്കരാറിന്റെ മാന്ത്രികര്ക്കത്
ചവിട്ടടി കഴുകാനൊരു നിറകുടം,
തുളുമ്പാതെ ഒഴിയാതെ പകരുന്നത്.
വിപ്ലവവീണ്വാക്കിന്റെ
വിശ്വദര്ശന വീഥിയിലാരോ
നഞ്ചുകലക്കി മീന്പിടിക്കും വ്യാക്കൂള്.
ധ്യാനാത്മക ജീവിത വേദാന്തക്കരയില്
ദൈവം സ്വയം ഇരകോര്ത്തിട്ടൊരു
കൊമ്പന്സ്രാവിന്റെ ആത്മനിര്വ്വേദം.
ഒറ്റയാകുന്ന പാലത്തിലേറിക്കുരച്ച്
ചന്ദ്രബിംബത്തിനുമുന്നില്
ഒന്നുമല്ലാത്ത നീയും ഞാനും
പറയാനുള്ളതൊക്കെ മറന്ന്
ഒരുമയില്ല്ലാതഭിനയിച്ചു തീര്ക്കുന്ന
ഒരു പൊയ്നാടകം..!
യവനികച്ചരടില്ത്തൂങ്ങി നിമിഷമളന്ന്
കാണികളുടെ ഉദ്വേഗച്ചുഴികളിലമര്ന്ന്
ഭാഷ മറന്നുപോയ ഒരു ദേശത്തിന്റെ
പുരാതന നിഘണ്ടുവില് ഒരു പുഴയായ്...
അരങ്ങില് ഒരു പൊയ്നാടകം.
***
പുഴ ഒരസ്തമയം സ്വപ്നം കാണുമ്പോള്
മേഘവില്ലിലൊരു കണ്ണേറുകനല് മാത്രം
ഒളിച്ചും പാത്തും അടങ്ങാതടങ്ങി.
ചാഞ്ഞുറങ്ങിയൊരു പൂവരശ്
ഞാണില്ലാത്തൊരു മുതുതെങ്ങ്
കാക്കപ്പൂവള്ളിപ്പടര്പ്പില്
കരയുന്നൊരു കുളക്കോഴി
നീര്ക്കോലിക്കുളി
മാനത്തുകണ്ണിക്കനവ്...
പുഴയിതിലെല്ലാം പരന്നുപതഞ്ഞ്
പാതാളഗുഹ നൂണിറങ്ങിയൊരു
പഞ്ചാരനുണക്കഥ.
പൈതലിനൊരു പുഴയുടെ ഉച്ചിഷ്ടം
അമ്മിഞ്ഞപ്പാല്ക്കടല് നീന്തും
നിലാവിന്റെ കളിമ്പം,
കുടിച്ചാലും തീരാതെയൊഴുകുന്നത്.
അതിശുദ്ധനാം ശാന്തിക്കാരന്
മുറിഞ്ഞ പൂണൂല് പോലെ
ശരിയാകാത്തൊരു ജീവിതനുണ,
പേര്ത്തും പറയുക ദിനധര്മ്മം.
വിരഹിക്കത് നിലാവിരലാല്
ആകാശമെഴുതിയ പ്രണയക്കുറി,
വായിച്ചു മതിയാകാത്ത ചുംബനശ്രുതി.
വീടുമറന്നൊരു തീര്ഥാടകന്
വെന്തടര്ന്ന കരിഞ്ചുണ്ടില്
അമൃതമാകുമൊരു ജലസിന്ധു.
മണല്ക്കരാറിന്റെ മാന്ത്രികര്ക്കത്
ചവിട്ടടി കഴുകാനൊരു നിറകുടം,
തുളുമ്പാതെ ഒഴിയാതെ പകരുന്നത്.
വിപ്ലവവീണ്വാക്കിന്റെ
വിശ്വദര്ശന വീഥിയിലാരോ
നഞ്ചുകലക്കി മീന്പിടിക്കും വ്യാക്കൂള്.
ധ്യാനാത്മക ജീവിത വേദാന്തക്കരയില്
ദൈവം സ്വയം ഇരകോര്ത്തിട്ടൊരു
കൊമ്പന്സ്രാവിന്റെ ആത്മനിര്വ്വേദം.
ഒറ്റയാകുന്ന പാലത്തിലേറിക്കുരച്ച്
ചന്ദ്രബിംബത്തിനുമുന്നില്
ഒന്നുമല്ലാത്ത നീയും ഞാനും
പറയാനുള്ളതൊക്കെ മറന്ന്
ഒരുമയില്ല്ലാതഭിനയിച്ചു തീര്ക്കുന്ന
ഒരു പൊയ്നാടകം..!
യവനികച്ചരടില്ത്തൂങ്ങി നിമിഷമളന്ന്
കാണികളുടെ ഉദ്വേഗച്ചുഴികളിലമര്ന്ന്
ഭാഷ മറന്നുപോയ ഒരു ദേശത്തിന്റെ
പുരാതന നിഘണ്ടുവില് ഒരു പുഴയായ്...
അരങ്ങില് ഒരു പൊയ്നാടകം.
***
Thursday, May 13, 2010
പിണക്കം
വിഷു പിന്നെയും വന്നു
വിളറിച്ചിലമ്പിച്ച പുലർകാലത്തിൽ,
ഓർമ്മത്തെറ്റുപോൽ വെയിൽമഞ്ഞ.
കണ്ണീലാർത്തുരുകുന്ന എണ്ണതൻ വിലാപമായ്
നിന്നുകത്തുന്നു...
മകൾ കാത്തിരിക്കുന്നൊരച്ഛൻ .
വണ്ടികൾ വഴിതെറ്റിയോടുന്നു, വഴികളിൽ
അന്ധകാരത്തിൻ രാസമിശ്രിതം തുളുമ്പുന്നു.
കൊന്നയിൽ തൂക്കാനുള്ള സ്വർണ്ണവും കൊണ്ടേ നിൽപ്പൂ
വർണ്ണമേലാപ്പിൽ ഡ്യൂട്ടിഫ്രീകളാം സായൂജ്യങ്ങൾ.
പൂത്തതില്ലൊറ്റപ്പെട്ട പെണ്മണി,
പൂക്കാക്കൊമ്പിൽ കനകം തൂക്കീടുമ്പോൾ
തെല്ലവൾക്കിളവുണ്ടാം!
അകലത്തെങ്ങോനിന്ന് മുഴങ്ങും ശബ്ദം മാത്രം
അരികത്തുണ്ടോ ഞാനെന്നുറക്കെ ചോദിക്കുന്നു.
അടുപ്പം, അകലവും അളക്കാനാവാതെന്നും
പരുക്കന് മതില്ക്കെട്ടിലിരിപ്പോര്ക്കറിയുമോ
പരിക്കാല് ഞരങ്ങുന്നൊരാത്മാവിന് ജഢം പേറി
ചിരിക്കാന് പഠിപ്പിച്ച് പോയതല്ലയോ കാലം!
ആയിരം, അതിലേറെ....യളന്നു വാക്കിന് പത്തി
ചുരുക്കിയൊതുക്കിക്കൊണ്ടാഹ്ലാദവികാരത്താല്
ആശംസ നേരാനുള്ള വാക്കുകൾ പരതുമ്പോൾ
ഭാഷതൻ കടൽ വെള്ളം പിന്മടങ്ങിപ്പോകുന്നു.
എങ്കിലും... വിഷു വന്ന് കൺനിറയ്ക്കുമ്പോൾ
ദൂരെ വേനൽ ഗർഭത്തിൽപ്പേറും
കിണറും പിണങ്ങുന്നു.
000
വിളറിച്ചിലമ്പിച്ച പുലർകാലത്തിൽ,
ഓർമ്മത്തെറ്റുപോൽ വെയിൽമഞ്ഞ.
കണ്ണീലാർത്തുരുകുന്ന എണ്ണതൻ വിലാപമായ്
നിന്നുകത്തുന്നു...
മകൾ കാത്തിരിക്കുന്നൊരച്ഛൻ .
വണ്ടികൾ വഴിതെറ്റിയോടുന്നു, വഴികളിൽ
അന്ധകാരത്തിൻ രാസമിശ്രിതം തുളുമ്പുന്നു.
കൊന്നയിൽ തൂക്കാനുള്ള സ്വർണ്ണവും കൊണ്ടേ നിൽപ്പൂ
വർണ്ണമേലാപ്പിൽ ഡ്യൂട്ടിഫ്രീകളാം സായൂജ്യങ്ങൾ.
പൂത്തതില്ലൊറ്റപ്പെട്ട പെണ്മണി,
പൂക്കാക്കൊമ്പിൽ കനകം തൂക്കീടുമ്പോൾ
തെല്ലവൾക്കിളവുണ്ടാം!
അകലത്തെങ്ങോനിന്ന് മുഴങ്ങും ശബ്ദം മാത്രം
അരികത്തുണ്ടോ ഞാനെന്നുറക്കെ ചോദിക്കുന്നു.
അടുപ്പം, അകലവും അളക്കാനാവാതെന്നും
പരുക്കന് മതില്ക്കെട്ടിലിരിപ്പോര്ക്കറിയുമോ
പരിക്കാല് ഞരങ്ങുന്നൊരാത്മാവിന് ജഢം പേറി
ചിരിക്കാന് പഠിപ്പിച്ച് പോയതല്ലയോ കാലം!
ആയിരം, അതിലേറെ....യളന്നു വാക്കിന് പത്തി
ചുരുക്കിയൊതുക്കിക്കൊണ്ടാഹ്ലാദവികാരത്താല്
ആശംസ നേരാനുള്ള വാക്കുകൾ പരതുമ്പോൾ
ഭാഷതൻ കടൽ വെള്ളം പിന്മടങ്ങിപ്പോകുന്നു.
എങ്കിലും... വിഷു വന്ന് കൺനിറയ്ക്കുമ്പോൾ
ദൂരെ വേനൽ ഗർഭത്തിൽപ്പേറും
കിണറും പിണങ്ങുന്നു.
000
Wednesday, March 31, 2010
ലഹരിപർവ്വം
കഴുത്തിനു മുറുക്കിപ്പിടിച്ച് പുറത്തിട്ടു.
കൊരവള്ളി ഞെരിച്ച് ചോരമണത്തു.
മൂക്ക് വിറപ്പിച്ച് മിഴികൾ പൂട്ടി
കൊണ്ടുവാ വെള്ളമെന്ന് നാവാൽ നീട്ടി
കൊച്ചു ഹിമാലയങ്ങളെ തൊഴിച്ചപ്പോൾ
ഗംഗയെ പരമേശ്വരൻ ഒളിച്ചുനോക്കി.
ഗജറാണിയായ് തുമ്പിവിറപ്പിച്ച
പാർവതി പാതിമെയ്യിൽ തളിർത്തു.
മൂന്നാം പടികയറി നാലിലേക്ക്
കാലിടറിയപ്പോൾ കൈലാസം കുലുങ്ങി.
വിയർത്തു വിറച്ച് കൊടുമുടികയറിയപ്പോൾ
പാർവതിയും ഗംഗയുമില്ല ചാരെ...
കാളിദാസൻ ഔഷധച്ചെടികളുടെ
സ്വയംപ്രകാശത്തിൽ ധ്യാനിച്ചിരിക്കുന്നു.
അഞ്ചമ്പൻ വില്ലു കുലയ്ക്കാനാവാതെ
രതീദേവിയറിയാതെ കണ്ടുനിൽക്കുന്നു...
മാനസസരോവരത്തിൽ താമര പറിക്കുന്നത്
നഗ്നസുഗന്ധിയാം സൈരന്ധ്രി.
‘കാന്താ... തൂകുന്നു തൂമണം...ഇതെങ്ങു നിന്ന്?’
പാടുന്നു കൌമാര വിസ്മയം.
മൂക്കുടഞ്ഞ്, കണ്ണടഞ്ഞ് പരന്നുവീണപ്പോൾ
തത്തമ്മപ്പേച്ചു പോൽ തെറിച്ച്
പളുങ്കുകുപ്പിയുടെ പേരു തെളിഞ്ഞു:
‘***കുച് നയി...കുച് നയി..’
000
*** ‘കുച് നയി‘ എന്ന ഹിന്ദിപ്പേരിൽ ഒരു സ്കോച് വിസ്കി.
(നിയമപരമായ മുന്നറിയിപ്പ്: മദ്യം പരസ്യമായേ കുടിക്കാവൂ.)
കൊരവള്ളി ഞെരിച്ച് ചോരമണത്തു.
മൂക്ക് വിറപ്പിച്ച് മിഴികൾ പൂട്ടി
കൊണ്ടുവാ വെള്ളമെന്ന് നാവാൽ നീട്ടി
കൊച്ചു ഹിമാലയങ്ങളെ തൊഴിച്ചപ്പോൾ
ഗംഗയെ പരമേശ്വരൻ ഒളിച്ചുനോക്കി.
ഗജറാണിയായ് തുമ്പിവിറപ്പിച്ച
പാർവതി പാതിമെയ്യിൽ തളിർത്തു.
മൂന്നാം പടികയറി നാലിലേക്ക്
കാലിടറിയപ്പോൾ കൈലാസം കുലുങ്ങി.
വിയർത്തു വിറച്ച് കൊടുമുടികയറിയപ്പോൾ
പാർവതിയും ഗംഗയുമില്ല ചാരെ...
കാളിദാസൻ ഔഷധച്ചെടികളുടെ
സ്വയംപ്രകാശത്തിൽ ധ്യാനിച്ചിരിക്കുന്നു.
അഞ്ചമ്പൻ വില്ലു കുലയ്ക്കാനാവാതെ
രതീദേവിയറിയാതെ കണ്ടുനിൽക്കുന്നു...
മാനസസരോവരത്തിൽ താമര പറിക്കുന്നത്
നഗ്നസുഗന്ധിയാം സൈരന്ധ്രി.
‘കാന്താ... തൂകുന്നു തൂമണം...ഇതെങ്ങു നിന്ന്?’
പാടുന്നു കൌമാര വിസ്മയം.
മൂക്കുടഞ്ഞ്, കണ്ണടഞ്ഞ് പരന്നുവീണപ്പോൾ
തത്തമ്മപ്പേച്ചു പോൽ തെറിച്ച്
പളുങ്കുകുപ്പിയുടെ പേരു തെളിഞ്ഞു:
‘***കുച് നയി...കുച് നയി..’
000
*** ‘കുച് നയി‘ എന്ന ഹിന്ദിപ്പേരിൽ ഒരു സ്കോച് വിസ്കി.
(നിയമപരമായ മുന്നറിയിപ്പ്: മദ്യം പരസ്യമായേ കുടിക്കാവൂ.)
Tuesday, March 02, 2010
ഒറ്റ് (കവിത)
പാതിരാപ്പാലമണമൊഴുകുന്ന വീഥിയില്
പാത തൊടാതിരു വെണ്ണിലാപ്പാദങ്ങള്
ആര്ത്തലറിക്കൊണ്ട് പാഞ്ഞുപോയെന്ന്
മകള് പേടിച്ചരണ്ട് നിലവിളിച്ചുണരവെ,
തോന്നലെന്നോതി ഞാന്; എങ്കിലും...
ഓര്മ്മതന് കല്ലില് സ്വയം തല തല്ലിയ
കന്യതന് പ്രേതമതെന്ന് ശഠിച്ചവള്.
നട്ടുച്ചനാവുകള് പൊള്ളിച്ച മണ്ണിണ്റ്റെ
പച്ചിലക്കാടുകള് പോലെ മേഘങ്ങളും
പേടിച്ചുറഞ്ഞു നില്ക്കുന്നു ഗ്രീഷ്മാകുലം!
നോക്കൂ... മതില് നിറയെ രക്തം വീണ
ജീവിതപ്പേടി തന് നിത്യാര്ത്തനാദങ്ങള്.
നീല വലംപിരി ശംഖുപുഷ്പങ്ങളില്
തീവണ്ട് ചുംബിച്ച വ്രണിത പ്രാണസ്വരം.
വിറയുള്ള ഭാഷയാല് കോറുന്നൊരാധിയില്
ജ്വലിതയാകുന്നു സംഭീതയാം സന്ധ്യയും.
കാറ്റിന് ജനാലയ്ക്കല് വന്നൊരു കബന്ധം
ഏതെന് ശിരസ്സ്, ആരെന്തിനു തകര്ത്തെന്ന്
നീട്ടിയെറിയുന്നൊരു തേറുളി തറയ്ക്കെ
തിളയ്ക്കുന്നു ജ്വരബോധി ശിഖരമെന്നില്.
ഊണുറക്കില്ലാതെ, ചമയങ്ങളില്ലാതെ,
ഈണം കൊതിപ്പിച്ച വീണയില് പിടയാതെ,
ഒറ്റനില്പ്പില് ധ്യാനബദ്ധമാം സര്വാഗ്നി
തോറ്റിയുണര്ത്തും മഹാസങ്കടങ്ങളില്
നിത്യം മുറിച്ചുമുണക്കിയും രാപ്പകല്
സത്യനൂല് കൊണ്ട് തുന്നുന്നൊരീ ജീവിതം...
തെറ്റിയുമിടറിയും തൊട്ടുവായിക്കുന്നു
രക്തകപാലിയായ് കാലാന്ധഭൈരവന്.
നിര്ദ്ദയാന്ധ്യത്തിന് നിരുപമാധ്യായങ്ങള്
നീട്ടിപ്പരത്തി വായിക്കുന്ന ലോകവും,
നന്ദികേടിണ്റ്റെ ഉപനിഷദ്ക്കാലവും
ഭീതിയേറ്റുന്നൊരീ ആസക്തജീവിതം...
നാലുകഴഞ്ച് വിലപേശി വാങ്ങുവാന്
ചാതുര്യമില്ലാത്ത ധര്മ്മസന്താപമേ...
നീ പഠിക്കില്ല, നിലനില്പ്പിലൂന്നിയ
നീതിശാസ്ത്രത്തിന് പ്രചണ്ഡസാരങ്ങളെ!
പാദങ്ങള് രണ്ടും പരിചിതബന്ധനം
പാട്ടിന്നവസാന ശീലാക്കിമാറ്റുന്നു.
ഒറ്റയാള്യാത്രയുടെ അക്കരെയിക്കരെ
ഒറ്റു കൊടുക്കപ്പെടുന്നുവോ ജീവിതം?
000
പാത തൊടാതിരു വെണ്ണിലാപ്പാദങ്ങള്
ആര്ത്തലറിക്കൊണ്ട് പാഞ്ഞുപോയെന്ന്
മകള് പേടിച്ചരണ്ട് നിലവിളിച്ചുണരവെ,
തോന്നലെന്നോതി ഞാന്; എങ്കിലും...
ഓര്മ്മതന് കല്ലില് സ്വയം തല തല്ലിയ
കന്യതന് പ്രേതമതെന്ന് ശഠിച്ചവള്.
നട്ടുച്ചനാവുകള് പൊള്ളിച്ച മണ്ണിണ്റ്റെ
പച്ചിലക്കാടുകള് പോലെ മേഘങ്ങളും
പേടിച്ചുറഞ്ഞു നില്ക്കുന്നു ഗ്രീഷ്മാകുലം!
നോക്കൂ... മതില് നിറയെ രക്തം വീണ
ജീവിതപ്പേടി തന് നിത്യാര്ത്തനാദങ്ങള്.
നീല വലംപിരി ശംഖുപുഷ്പങ്ങളില്
തീവണ്ട് ചുംബിച്ച വ്രണിത പ്രാണസ്വരം.
വിറയുള്ള ഭാഷയാല് കോറുന്നൊരാധിയില്
ജ്വലിതയാകുന്നു സംഭീതയാം സന്ധ്യയും.
കാറ്റിന് ജനാലയ്ക്കല് വന്നൊരു കബന്ധം
ഏതെന് ശിരസ്സ്, ആരെന്തിനു തകര്ത്തെന്ന്
നീട്ടിയെറിയുന്നൊരു തേറുളി തറയ്ക്കെ
തിളയ്ക്കുന്നു ജ്വരബോധി ശിഖരമെന്നില്.
ഊണുറക്കില്ലാതെ, ചമയങ്ങളില്ലാതെ,
ഈണം കൊതിപ്പിച്ച വീണയില് പിടയാതെ,
ഒറ്റനില്പ്പില് ധ്യാനബദ്ധമാം സര്വാഗ്നി
തോറ്റിയുണര്ത്തും മഹാസങ്കടങ്ങളില്
നിത്യം മുറിച്ചുമുണക്കിയും രാപ്പകല്
സത്യനൂല് കൊണ്ട് തുന്നുന്നൊരീ ജീവിതം...
തെറ്റിയുമിടറിയും തൊട്ടുവായിക്കുന്നു
രക്തകപാലിയായ് കാലാന്ധഭൈരവന്.
നിര്ദ്ദയാന്ധ്യത്തിന് നിരുപമാധ്യായങ്ങള്
നീട്ടിപ്പരത്തി വായിക്കുന്ന ലോകവും,
നന്ദികേടിണ്റ്റെ ഉപനിഷദ്ക്കാലവും
ഭീതിയേറ്റുന്നൊരീ ആസക്തജീവിതം...
നാലുകഴഞ്ച് വിലപേശി വാങ്ങുവാന്
ചാതുര്യമില്ലാത്ത ധര്മ്മസന്താപമേ...
നീ പഠിക്കില്ല, നിലനില്പ്പിലൂന്നിയ
നീതിശാസ്ത്രത്തിന് പ്രചണ്ഡസാരങ്ങളെ!
പാദങ്ങള് രണ്ടും പരിചിതബന്ധനം
പാട്ടിന്നവസാന ശീലാക്കിമാറ്റുന്നു.
ഒറ്റയാള്യാത്രയുടെ അക്കരെയിക്കരെ
ഒറ്റു കൊടുക്കപ്പെടുന്നുവോ ജീവിതം?
000
Friday, December 18, 2009
കക്കയും കൈതയും
അരയോളം വെള്ളത്തില്
തലയാഴം കൊള്ളുമ്പോള്
കക്കകളുടെ ജലസാധകമറിയാം.
കുമിളകള് ഉടയുന്നത്
കുരിശ്ശേറിയവണ്റ്റെ നിമിഷങ്ങളില്.
പത്തിയമര്ത്തിയും ഉപ്പൂറ്റി ഉയര്ത്തിയും
തുള്ളിക്കളിച്ചാലേ തെളിയുള്ളൂ
കരിങ്കക്കയുടെ ഗ്രാമച്ചെരിവുകള്.
അരികുകളില് മുത്തും പവിഴവും
മുങ്ങാങ്കുഴിയിടുന്ന താഴ്വാരങ്ങള്.
കറുത്തപൊന്നും തേങ്ങാക്കൊത്തും
ഇടകലരുന്ന ഇറച്ചിയുടെ മണം.
ഹരിത താംബൂലങ്ങളില് ചുണയേറ്റുന്ന
ചുണ്ണാമ്പെരിവിണ്റ്റെ രസനകള്.
കരകയറുമ്പോള് കൈത പറഞ്ഞു:
'എനെറ്റ് കിരീടം സ്വീകരിക്കൂ... '
പൊന്നോലത്തളിരിണ്റ്റെ വാസനക്കരങ്ങള്
മറന്നുപോകാത്ത കൂട്ടുകാരിയെ
അപ്പോള് തിരികെത്തന്നു.
പുസ്തകക്കെട്ടും നെല്ലിപ്പഴവും
കാത്തുവച്ചൊരുമ്മയും കൈയൊഴിഞ്ഞ്
താഴേക്കവള് പറക്കുമ്പോള്
കന്നേറ്റിപ്പാലം കണ്ണടച്ചു നിന്നത്
ഇന്നലെയാണ്.
കക്ക തുറന്നപ്പോള്... !
മാംസത്തിനു പകരം
തീരെ ചെറിയ ഒരു വെണ്മുത്ത്.
***
തലയാഴം കൊള്ളുമ്പോള്
കക്കകളുടെ ജലസാധകമറിയാം.
കുമിളകള് ഉടയുന്നത്
കുരിശ്ശേറിയവണ്റ്റെ നിമിഷങ്ങളില്.
പത്തിയമര്ത്തിയും ഉപ്പൂറ്റി ഉയര്ത്തിയും
തുള്ളിക്കളിച്ചാലേ തെളിയുള്ളൂ
കരിങ്കക്കയുടെ ഗ്രാമച്ചെരിവുകള്.
അരികുകളില് മുത്തും പവിഴവും
മുങ്ങാങ്കുഴിയിടുന്ന താഴ്വാരങ്ങള്.
കറുത്തപൊന്നും തേങ്ങാക്കൊത്തും
ഇടകലരുന്ന ഇറച്ചിയുടെ മണം.
ഹരിത താംബൂലങ്ങളില് ചുണയേറ്റുന്ന
ചുണ്ണാമ്പെരിവിണ്റ്റെ രസനകള്.
കരകയറുമ്പോള് കൈത പറഞ്ഞു:
'എനെറ്റ് കിരീടം സ്വീകരിക്കൂ... '
പൊന്നോലത്തളിരിണ്റ്റെ വാസനക്കരങ്ങള്
മറന്നുപോകാത്ത കൂട്ടുകാരിയെ
അപ്പോള് തിരികെത്തന്നു.
പുസ്തകക്കെട്ടും നെല്ലിപ്പഴവും
കാത്തുവച്ചൊരുമ്മയും കൈയൊഴിഞ്ഞ്
താഴേക്കവള് പറക്കുമ്പോള്
കന്നേറ്റിപ്പാലം കണ്ണടച്ചു നിന്നത്
ഇന്നലെയാണ്.
കക്ക തുറന്നപ്പോള്... !
മാംസത്തിനു പകരം
തീരെ ചെറിയ ഒരു വെണ്മുത്ത്.
***
Thursday, September 10, 2009
ചീഞ്ഞുപോയ ഒരു കണ്ണിനുള്ളില്
ഭാവിയെ ഷൂട്ട് ചെയ്യാവുന്ന
പുതിയതരം ക്യാമറ
ഇന്നലെ വാങ്ങി.
മാര്ക്കറ്റിലിറങ്ങും മുമ്പെ
ബുക്ക് ചെയ്ത് കാത്തിരുന്നതിനാല്
കിട്ടിയ പാടേ ടെറസില്ക്കേറി
ടില്റ്റും വൈഡും ഇണക്കി
മുന്നാക്കം പിന്നാക്കം
മേലേ കീഴെ നീക്കി
കൈത്തഴക്കം കണ്ടെത്തി.
സന്ധ്യക്ക്
ഗ്രാമത്തിലെ മൈതാനത്ത്
ആല്മരത്തിന്റെ താഴെ
യൂണിഫോമില്ലാത്ത കുട്ടികള്
കവിത ചൊല്ലിപ്പഠിക്കുന്നതും
ആശാന് അതിന്റെ താളം
ഈണത്തില് ബന്ധിപ്പിക്കുന്നതും
കൊടുങ്കാറ്റിനെ ഗര്ഭം ധരിച്ച
പുസ്തകങ്ങള് ജാഥ നടത്തുന്നതും...
ദാരിദ്ര്യരേഖയുടെ മുകളില്
പതാകയുയര്ത്തുന്ന
ക്രിക്കറ്റ് താരത്തിന്റെ കൂറ്റന് ചിത്രം
തകര്ന്നു വീണ്
ഓഹരിവിപണിയുടെ ആസ്ഥാനത്ത്
ഗതാഗതം മുടങ്ങി
തെരുവില് ഉത്സവമാകുന്നതും....
(രാത്രിയില്
കളിക്കൂട്ടുകാരിയെ കണ്ടു കൊതിച്ച്
നെല്ലിക്കാവര്ത്തമാനത്തില്
ഒളിച്ചിരുന്ന മധുരം കുടിച്ച്
പുഴയിലേക്ക് തെന്നിവീണപ്പോള്...
വെറുതെയെങ്കിലും തോന്നി
സ്വപ്നത്തെ ഷൂട്ട് ചെയ്യാവുന്ന ക്യാമറയും
വൈകാതെ കണ്ടെത്തണമെന്ന്!)
വെളുപ്പിനുണര്ന്ന്
ബാല്ക്കണിയില് ട്രൈപോഡ് വച്ച്
പുകമഞ്ഞിലേക്ക് കണ്ണു തുറന്ന്
മുഷിഞ്ഞ് മയങ്ങുമ്പോള്,
നഗരമാലിന്യത്തിനരികില്
കുടിവെള്ളത്തിനായി ഏറ്റുമുട്ടുന്ന
ഗ്രാമീണരുടെ രോഷവും
പട്ടാളത്തിന്റെ വീറും
ബുള്ഡോസറിന്റെ ഇരമ്പവും...
ക്രമത്തില് ഷൂട്ടായി.
മനസ്സിന്റെ അനന്താകാശങ്ങള്
തുറന്നുകിട്ടിയ അനുഭവങ്ങളാല്
പില്ക്കാല ദിനങ്ങളില്
ഒരു കോസ്മൊനോട്ടായി
വായുവില് നൃത്തം ചെയ്ത്
ഞ്ഞാന് ചിറകില്ലാതെ പറന്നുപോയി.
സൂര്യനും ചന്ദ്രനും
ചെറുവിളക്കുകളായി
അച്ഛന്റെയും അമ്മയുടെയും
മുഖമെടുത്തണിഞ്ഞു.
ചിരിക്കാനും കരയാനും മത്രമല്ല
എതിര്ക്കാനും കൊതിപ്പിക്കാനും കഴിയുന്ന
ദീപ~തനക്ഷത്രങ്ങള്ക്ക്
കാമിനിയുടെ ഭാവങ്ങളുണ്ടായി.
ഗുര്ത്വാകര്ഷണത്താല് ത്രസിപ്പിക്കുന്ന
കുഞ്ഞുങ്ങളുടെ ആലിംഗനങ്ങളില്
വിശപ്പും നിലവിളിയും
ഉറഞ്ഞ ചോരയുടെ ചൂടും അറികെ
ഊര്ജ്ജപ്രവാഹത്തില് മുഴുകി
ഒഴുകിത്തെറിച്ചു പോകുന്ന
വേദനകളുടെ ഉള്ക്കയായി ഞാന്.
നട്ടെല്ലില്ലാത്ത ഒരു മഴവില്ല്
താന് പണ്ടേതോ രാജാവിന്റെ
യുദ്ധം ജയിക്കുവാനായി
വളഞ്ഞുവളഞ്ഞാണ്
ഏഴുനിറമുള്ള രാജഹംസമായതെന്ന്
വീമ്പ് പറയുമ്പോഴും....
ഇരുള്ക്കിണറിന്റെ കണ്ണറയില്
വീണുമരിക്കാനിടയാക്കാതെ
ഒഴിച്ചു തള്ളിവിട്ടതിന്
ദൈവത്തിന് നന്ദി പറയാന്
അതിപ്രവേഗമുള്ള ഒരു സന്ദേശം
വിഫലമായി എഴുതിക്കൊണ്ടേയിരുന്നു.
അപ്പോഴേക്കും...
താണുപറന്നു വന്ന മിസൈലുകളിലൊന്ന്
പൂത്തിരി കൊളുത്തിവിട്ട
രാത്രിയുടെ ശവപേടകത്തിലേക്ക്
കാലം കടന്നുപോകുമ്പോള്
ആരോ അടക്കം പറഞ്ഞു:
നമ്മള് ഒരു തമോദ്വാരത്തിലാണ്
സ്നേഹിതാ...
തിരിച്ചിറങ്ങാനാവാത്ത വിധം
അടയ്ക്കപ്പെട്ട
ഒരു ചീഞ്ഞ കണ്ണിനുള്ളില്.
((()))
പുതിയതരം ക്യാമറ
ഇന്നലെ വാങ്ങി.
മാര്ക്കറ്റിലിറങ്ങും മുമ്പെ
ബുക്ക് ചെയ്ത് കാത്തിരുന്നതിനാല്
കിട്ടിയ പാടേ ടെറസില്ക്കേറി
ടില്റ്റും വൈഡും ഇണക്കി
മുന്നാക്കം പിന്നാക്കം
മേലേ കീഴെ നീക്കി
കൈത്തഴക്കം കണ്ടെത്തി.
സന്ധ്യക്ക്
ഗ്രാമത്തിലെ മൈതാനത്ത്
ആല്മരത്തിന്റെ താഴെ
യൂണിഫോമില്ലാത്ത കുട്ടികള്
കവിത ചൊല്ലിപ്പഠിക്കുന്നതും
ആശാന് അതിന്റെ താളം
ഈണത്തില് ബന്ധിപ്പിക്കുന്നതും
കൊടുങ്കാറ്റിനെ ഗര്ഭം ധരിച്ച
പുസ്തകങ്ങള് ജാഥ നടത്തുന്നതും...
ദാരിദ്ര്യരേഖയുടെ മുകളില്
പതാകയുയര്ത്തുന്ന
ക്രിക്കറ്റ് താരത്തിന്റെ കൂറ്റന് ചിത്രം
തകര്ന്നു വീണ്
ഓഹരിവിപണിയുടെ ആസ്ഥാനത്ത്
ഗതാഗതം മുടങ്ങി
തെരുവില് ഉത്സവമാകുന്നതും....
(രാത്രിയില്
കളിക്കൂട്ടുകാരിയെ കണ്ടു കൊതിച്ച്
നെല്ലിക്കാവര്ത്തമാനത്തില്
ഒളിച്ചിരുന്ന മധുരം കുടിച്ച്
പുഴയിലേക്ക് തെന്നിവീണപ്പോള്...
വെറുതെയെങ്കിലും തോന്നി
സ്വപ്നത്തെ ഷൂട്ട് ചെയ്യാവുന്ന ക്യാമറയും
വൈകാതെ കണ്ടെത്തണമെന്ന്!)
വെളുപ്പിനുണര്ന്ന്
ബാല്ക്കണിയില് ട്രൈപോഡ് വച്ച്
പുകമഞ്ഞിലേക്ക് കണ്ണു തുറന്ന്
മുഷിഞ്ഞ് മയങ്ങുമ്പോള്,
നഗരമാലിന്യത്തിനരികില്
കുടിവെള്ളത്തിനായി ഏറ്റുമുട്ടുന്ന
ഗ്രാമീണരുടെ രോഷവും
പട്ടാളത്തിന്റെ വീറും
ബുള്ഡോസറിന്റെ ഇരമ്പവും...
ക്രമത്തില് ഷൂട്ടായി.
മനസ്സിന്റെ അനന്താകാശങ്ങള്
തുറന്നുകിട്ടിയ അനുഭവങ്ങളാല്
പില്ക്കാല ദിനങ്ങളില്
ഒരു കോസ്മൊനോട്ടായി
വായുവില് നൃത്തം ചെയ്ത്
ഞ്ഞാന് ചിറകില്ലാതെ പറന്നുപോയി.
സൂര്യനും ചന്ദ്രനും
ചെറുവിളക്കുകളായി
അച്ഛന്റെയും അമ്മയുടെയും
മുഖമെടുത്തണിഞ്ഞു.
ചിരിക്കാനും കരയാനും മത്രമല്ല
എതിര്ക്കാനും കൊതിപ്പിക്കാനും കഴിയുന്ന
ദീപ~തനക്ഷത്രങ്ങള്ക്ക്
കാമിനിയുടെ ഭാവങ്ങളുണ്ടായി.
ഗുര്ത്വാകര്ഷണത്താല് ത്രസിപ്പിക്കുന്ന
കുഞ്ഞുങ്ങളുടെ ആലിംഗനങ്ങളില്
വിശപ്പും നിലവിളിയും
ഉറഞ്ഞ ചോരയുടെ ചൂടും അറികെ
ഊര്ജ്ജപ്രവാഹത്തില് മുഴുകി
ഒഴുകിത്തെറിച്ചു പോകുന്ന
വേദനകളുടെ ഉള്ക്കയായി ഞാന്.
നട്ടെല്ലില്ലാത്ത ഒരു മഴവില്ല്
താന് പണ്ടേതോ രാജാവിന്റെ
യുദ്ധം ജയിക്കുവാനായി
വളഞ്ഞുവളഞ്ഞാണ്
ഏഴുനിറമുള്ള രാജഹംസമായതെന്ന്
വീമ്പ് പറയുമ്പോഴും....
ഇരുള്ക്കിണറിന്റെ കണ്ണറയില്
വീണുമരിക്കാനിടയാക്കാതെ
ഒഴിച്ചു തള്ളിവിട്ടതിന്
ദൈവത്തിന് നന്ദി പറയാന്
അതിപ്രവേഗമുള്ള ഒരു സന്ദേശം
വിഫലമായി എഴുതിക്കൊണ്ടേയിരുന്നു.
അപ്പോഴേക്കും...
താണുപറന്നു വന്ന മിസൈലുകളിലൊന്ന്
പൂത്തിരി കൊളുത്തിവിട്ട
രാത്രിയുടെ ശവപേടകത്തിലേക്ക്
കാലം കടന്നുപോകുമ്പോള്
ആരോ അടക്കം പറഞ്ഞു:
നമ്മള് ഒരു തമോദ്വാരത്തിലാണ്
സ്നേഹിതാ...
തിരിച്ചിറങ്ങാനാവാത്ത വിധം
അടയ്ക്കപ്പെട്ട
ഒരു ചീഞ്ഞ കണ്ണിനുള്ളില്.
((()))
Sunday, August 30, 2009
ഓണക്കാഴ്ചകള്
തെക്കുപുറത്തെ ചുടലത്തെങ്ങിന്
നെറുകയിലാദ്യം പൊട്ടിവിടര്ന്നൊരു
പൂങ്കുല നറുചിരി തൂകുമ്പോള്
ഓര്ക്കുന്നു ഞാന് മുത്തശ്ശിയെ.
ചക്കരമാവിന് ചായും ചില്ലയില്
ഒത്തിരിയാമോദങ്ങള് നിറയ്ക്കും
പൂത്തിരി നെയ്ത്തിരിയുഴിയുമ്പോള്
കൈനീട്ടുന്നു മുത്തശ്ശന്.
കാവില് കളമെഴുതുന്നൊരുഷസ്സില്,
കാവടിയാടും മുകിലിന് വില്ലില്,
ചിന്നും മഴയുടെ മുദ്രക്കൈയില്,
ചൈത്രസുഗന്ധം പൊഴിയുമ്പോള്
പാലമൃതുണ്ട ദിനങ്ങളില് നിന്നൊരു
താരാട്ടായെന് പെറ്റമ്മ.
പാറയുടയ്ക്കും വേര്പ്പില് പേശികള്
നൊന്തുനുറുങ്ങുമൊരുച്ചക്കൊടുവെയില്,
എല്ലാക്കൈകളുമൊത്തുപിടിച്ചൊരു
മലയെ വരുതിയിലാക്കും കനവില്...
ഇരുളിന് പൂച്ചകള് പെറ്റുകിടക്കും
മിഴികളിലൊക്കെ വെളിച്ചം പകരാന്...
മുഷ്ടിബലത്തിന് ചെന്തീക്കതിരാല്
ഉല്സവമേളം മണ്ണിലുണര്ത്താന്
സങ്കല്പ്പങ്ങള് പകര്ന്നേ പോയൊരു
സ്വപ്നം പോലെന് പൊന്നച്ഛന്.
തൂശനിലത്താളില് പൗര്ണമി തന്
തുമ്പച്ചോറ് നിറയ്ക്കും രാവില്
പെട്ടെന്നെന്തേ കൂറ്റന് വാവല്-
ച്ചിറകുകളാല് ദുര്മൃത്യു പതുങ്ങീ
ചെറ്റും ദയയില്ലാത്തൊരു വിധിയായ്
കുഞ്ഞനിയന്റെ കൊലച്ചോറുണ്ടു?
പാടവരമ്പില് കാറ്റിന് കൈവിരല്
കൈതക്കൂമ്പ് തുറക്കുമ്പോള്
കണ്ണുകള് പൊത്തിയടുത്തമരുന്നെന്
കണ്മണിയുടെ കവിള് പൂക്കുമ്പോള്
കാണാക്കനവിന് തോണിയിലാരേ
മോഹപ്പുഴയില് നീന്തുന്നു?
എല്ലാരും ചേര്ന്നൊരുനാളെന്നില്
സന്ചിതസ്നേഹം പകരുമ്പോള്
നിലാവായ്, വെയിലായ്, താളപ്പൊയ്ത്തില്
നെഞ്ഞ്ചുരുകുന്നൊരു കണ്ണീര്ക്കനവായ്
പിന്വഴിയെല്ലാമലയാന് വെമ്പു-
മൊരാത്മവിഷാദം പൊന്നോണം.
നെറുകയിലാദ്യം പൊട്ടിവിടര്ന്നൊരു
പൂങ്കുല നറുചിരി തൂകുമ്പോള്
ഓര്ക്കുന്നു ഞാന് മുത്തശ്ശിയെ.
ചക്കരമാവിന് ചായും ചില്ലയില്
ഒത്തിരിയാമോദങ്ങള് നിറയ്ക്കും
പൂത്തിരി നെയ്ത്തിരിയുഴിയുമ്പോള്
കൈനീട്ടുന്നു മുത്തശ്ശന്.
കാവില് കളമെഴുതുന്നൊരുഷസ്സില്,
കാവടിയാടും മുകിലിന് വില്ലില്,
ചിന്നും മഴയുടെ മുദ്രക്കൈയില്,
ചൈത്രസുഗന്ധം പൊഴിയുമ്പോള്
പാലമൃതുണ്ട ദിനങ്ങളില് നിന്നൊരു
താരാട്ടായെന് പെറ്റമ്മ.
പാറയുടയ്ക്കും വേര്പ്പില് പേശികള്
നൊന്തുനുറുങ്ങുമൊരുച്ചക്കൊടുവെയില്,
എല്ലാക്കൈകളുമൊത്തുപിടിച്ചൊരു
മലയെ വരുതിയിലാക്കും കനവില്...
ഇരുളിന് പൂച്ചകള് പെറ്റുകിടക്കും
മിഴികളിലൊക്കെ വെളിച്ചം പകരാന്...
മുഷ്ടിബലത്തിന് ചെന്തീക്കതിരാല്
ഉല്സവമേളം മണ്ണിലുണര്ത്താന്
സങ്കല്പ്പങ്ങള് പകര്ന്നേ പോയൊരു
സ്വപ്നം പോലെന് പൊന്നച്ഛന്.
തൂശനിലത്താളില് പൗര്ണമി തന്
തുമ്പച്ചോറ് നിറയ്ക്കും രാവില്
പെട്ടെന്നെന്തേ കൂറ്റന് വാവല്-
ച്ചിറകുകളാല് ദുര്മൃത്യു പതുങ്ങീ
ചെറ്റും ദയയില്ലാത്തൊരു വിധിയായ്
കുഞ്ഞനിയന്റെ കൊലച്ചോറുണ്ടു?
പാടവരമ്പില് കാറ്റിന് കൈവിരല്
കൈതക്കൂമ്പ് തുറക്കുമ്പോള്
കണ്ണുകള് പൊത്തിയടുത്തമരുന്നെന്
കണ്മണിയുടെ കവിള് പൂക്കുമ്പോള്
കാണാക്കനവിന് തോണിയിലാരേ
മോഹപ്പുഴയില് നീന്തുന്നു?
എല്ലാരും ചേര്ന്നൊരുനാളെന്നില്
സന്ചിതസ്നേഹം പകരുമ്പോള്
നിലാവായ്, വെയിലായ്, താളപ്പൊയ്ത്തില്
നെഞ്ഞ്ചുരുകുന്നൊരു കണ്ണീര്ക്കനവായ്
പിന്വഴിയെല്ലാമലയാന് വെമ്പു-
മൊരാത്മവിഷാദം പൊന്നോണം.
Wednesday, August 12, 2009
ആര്ക്കും അറിയാത്തത്!
കണ്ടിട്ടുണ്ടോ?
തുറിച്ച കണ്ണുകളിലെ മരണഭീതി
തുണിക്കറുപ്പാല് മൂടപ്പെടുന്നത്?
കുരുക്കുവൃത്തത്തിനകത്തെ ലോകം...
ഇളം പച്ച, മഞ്ഞ, കുങ്കുമം, ചുവപ്പ്...
ഒടുവില് എല്ലാം ഇരുട്ടാകുന്നത്.
കേട്ടിട്ടുണ്ടോ?
സമയം സൂചിമുനയാകുമ്പോള്
കഴുത്തു മുറിയുന്ന നേര്ത്ത ശബ്ദം.
പാതിയില് നിലച്ച സൈറണ് പോലെ
കുരുതിമൃഗത്തിണ്റ്റെ നിലവിളി.
നുണഞ്ഞിട്ടുണ്ടോ?
കാട്ടരുവിയുടെ കണ്ണീര്പോലെ
പൊള്ളുന്ന ചോരയിലെ ഉപ്പ്.
കണ്കുഴിയില് വിളഞ്ഞ ചിപ്പിയിലെ
കരിഞ്ഞ മാംസത്തിണ്റ്റെ കയ്പ്പ്.
മണത്തിട്ടുണ്ടോ?
വെടിമരുന്നിണ്റ്റെ കരിമ്പുകയില്
തീയലകള് നിലയ്ക്കുമ്പോള്
എല്ലിന്കൂട് പോലും ശിഷ്ടമാക്കാത്ത
ചാവേറിണ്റ്റെ പ്രതീകാത്മക സ്വപ്നം.
തൊട്ടിട്ടുണ്ടോ?
പ്രണയത്തിണ്റ്റെ ഇതളുകളിലെ മഞ്ഞ്,
തിരസ്കാരത്തിണ്റ്റെ കൊടുമുള്ളുകള്,
അസ്തമിക്കുന്ന മൊഴികളിലെ സൂര്യന്,
ഇടറുന്ന ഒരുതുള്ളി ബാഷ്പം.
അറിഞ്ഞിട്ടുണ്ടോ?
ജീവവൃക്ഷത്തിണ്റ്റെ തായ്ത്തടിയില്
അധികാരത്തിണ്റ്റെ മഴുക്കേളികള്.
തലച്ചോറിണ്റ്റെ കോടിശിഖരങ്ങളി
ജനിതകവ്യാധിയുടെ മൃതികീടങ്ങള്.
ഇല്ല, ഒന്നും ഉണ്ടായിട്ടുണ്ടാവുകയില്ല!
അല്ലെങ്കില്...
ആരെങ്കിലും...
തുറന്നുപിടിച്ച ഹൃദയത്തിലെ ഈ കൊടുങ്കാറ്റ്
മുരളുന്നതെങ്കിലും അറിയാതിരിക്കുമോ?
സുഖാനുഭവങ്ങളുടെ മരവിപ്പില്ലാത്ത
ഇന്ദ്രിയങ്ങള് തുറന്നുവെച്ചാല്
അപ്രിയസത്യങ്ങളുടെ കരിങ്കവിത
അണുമാത്രയില് പുഷ്പിക്കും.
അതാണല്ലോ ആര്ക്കും അറിയാത്തത്!
***
തുറിച്ച കണ്ണുകളിലെ മരണഭീതി
തുണിക്കറുപ്പാല് മൂടപ്പെടുന്നത്?
കുരുക്കുവൃത്തത്തിനകത്തെ ലോകം...
ഇളം പച്ച, മഞ്ഞ, കുങ്കുമം, ചുവപ്പ്...
ഒടുവില് എല്ലാം ഇരുട്ടാകുന്നത്.
കേട്ടിട്ടുണ്ടോ?
സമയം സൂചിമുനയാകുമ്പോള്
കഴുത്തു മുറിയുന്ന നേര്ത്ത ശബ്ദം.
പാതിയില് നിലച്ച സൈറണ് പോലെ
കുരുതിമൃഗത്തിണ്റ്റെ നിലവിളി.
നുണഞ്ഞിട്ടുണ്ടോ?
കാട്ടരുവിയുടെ കണ്ണീര്പോലെ
പൊള്ളുന്ന ചോരയിലെ ഉപ്പ്.
കണ്കുഴിയില് വിളഞ്ഞ ചിപ്പിയിലെ
കരിഞ്ഞ മാംസത്തിണ്റ്റെ കയ്പ്പ്.
മണത്തിട്ടുണ്ടോ?
വെടിമരുന്നിണ്റ്റെ കരിമ്പുകയില്
തീയലകള് നിലയ്ക്കുമ്പോള്
എല്ലിന്കൂട് പോലും ശിഷ്ടമാക്കാത്ത
ചാവേറിണ്റ്റെ പ്രതീകാത്മക സ്വപ്നം.
തൊട്ടിട്ടുണ്ടോ?
പ്രണയത്തിണ്റ്റെ ഇതളുകളിലെ മഞ്ഞ്,
തിരസ്കാരത്തിണ്റ്റെ കൊടുമുള്ളുകള്,
അസ്തമിക്കുന്ന മൊഴികളിലെ സൂര്യന്,
ഇടറുന്ന ഒരുതുള്ളി ബാഷ്പം.
അറിഞ്ഞിട്ടുണ്ടോ?
ജീവവൃക്ഷത്തിണ്റ്റെ തായ്ത്തടിയില്
അധികാരത്തിണ്റ്റെ മഴുക്കേളികള്.
തലച്ചോറിണ്റ്റെ കോടിശിഖരങ്ങളി
ജനിതകവ്യാധിയുടെ മൃതികീടങ്ങള്.
ഇല്ല, ഒന്നും ഉണ്ടായിട്ടുണ്ടാവുകയില്ല!
അല്ലെങ്കില്...
ആരെങ്കിലും...
തുറന്നുപിടിച്ച ഹൃദയത്തിലെ ഈ കൊടുങ്കാറ്റ്
മുരളുന്നതെങ്കിലും അറിയാതിരിക്കുമോ?
സുഖാനുഭവങ്ങളുടെ മരവിപ്പില്ലാത്ത
ഇന്ദ്രിയങ്ങള് തുറന്നുവെച്ചാല്
അപ്രിയസത്യങ്ങളുടെ കരിങ്കവിത
അണുമാത്രയില് പുഷ്പിക്കും.
അതാണല്ലോ ആര്ക്കും അറിയാത്തത്!
***
Wednesday, July 22, 2009
പല്ലി ഒരു ഉല്പ്രേക്ഷയല്ല
ഫ്യൂസ് പോയെന്ന് ഭാര്യ.
ഇരുള്പ്പേടി ഞാനൊതുക്കിക്കൊണ്ട്
ആമാടപ്പെട്ടി തുറക്കുമ്പോള്...
കണ്ടുകിട്ടുന്നു
മൂന്നു ശവങ്ങള് - പല്ലികള്.
കറുത്തുനീലിച്ചവയെങ്കിലും
കണ്ണൂകള് പളുങ്കായ് തിളങ്ങുന്നവ,
വാല് മുറിയാത്തവ!
ഇന്നലെ ഇവരെണ്റ്റെ ഉത്തരം താങ്ങി
ഉപനിഷത്തായ് ചിലച്ചു.
സത്തൊഴിയാ വാലിന്തുമ്പില്
സത്യമേ തുടിക്കുന്നതെന്നു ഞാന് നിനച്ചു.
കാലിടറും നേരത്തെണ്റ്റെ
കണ്ഫ്യൂഷനൊടുങ്ങാതെ
ഇടത്തും വലത്തും, പിന്നിടയ്ക്കും
കാലുകള് കവച്ചു.
രോഗം (ലോകം)മാറാനിതു കാരണമെന്നു ശഠിച്ചു.
ധീരമാം ദിനോസറിന് മുഖഭേദങ്ങള്,
ഭീമപാദവൃക്ഷങ്ങള്,
ലോലഹൃദയാന്തരങ്ങളില് ചുവക്കും
തുടിപ്പാര്ന്ന മിടിപ്പുകള്,
നളന്ദാ-തക്ഷശിലാ വസന്താഗമങ്ങള്...
സര്ഗ്ഗസായൂജ്യങ്ങളെ ചരിത്രമാക്കും
മുഗ്ദ്ധ സുഷുപ്തീ ലയഭംഗീകാമനാകലികകള്... !
ഉള്ക്കണ്ണു തുറന്ന് ഞാന് വമ്പിലോര്ക്കവേ
പാടക്കോപ്പുകള് തോക്കുംവണ്ണം ചീറുന്നു...
അതേ, മൂന്നു പല്ലികള്, വാലുള്ളവ.
പിന്നെയാ യുദ്ധാവേശ ജാഥയിലവയെല്ലാം
വൃത്തബന്ധുരം ശിലാബന്ധിത വാക്യങ്ങളാല്
മര്ത്യമോക്ഷത്തിന് പുലയാട്ടുകള് തുടരുന്നു.
ആമാടപ്പെട്ടിമേല് മകനിപ്പോള്
സ്റ്റിക്കറൊട്ടിച്ചീടുന്നു:
"ദൈവമേ... നിന്പേരിപ്പോള്
പല്ലിയെന്നാണോ?
സ്തോത്രം... "
-----
ഇരുള്പ്പേടി ഞാനൊതുക്കിക്കൊണ്ട്
ആമാടപ്പെട്ടി തുറക്കുമ്പോള്...
കണ്ടുകിട്ടുന്നു
മൂന്നു ശവങ്ങള് - പല്ലികള്.
കറുത്തുനീലിച്ചവയെങ്കിലും
കണ്ണൂകള് പളുങ്കായ് തിളങ്ങുന്നവ,
വാല് മുറിയാത്തവ!
ഇന്നലെ ഇവരെണ്റ്റെ ഉത്തരം താങ്ങി
ഉപനിഷത്തായ് ചിലച്ചു.
സത്തൊഴിയാ വാലിന്തുമ്പില്
സത്യമേ തുടിക്കുന്നതെന്നു ഞാന് നിനച്ചു.
കാലിടറും നേരത്തെണ്റ്റെ
കണ്ഫ്യൂഷനൊടുങ്ങാതെ
ഇടത്തും വലത്തും, പിന്നിടയ്ക്കും
കാലുകള് കവച്ചു.
രോഗം (ലോകം)മാറാനിതു കാരണമെന്നു ശഠിച്ചു.
ധീരമാം ദിനോസറിന് മുഖഭേദങ്ങള്,
ഭീമപാദവൃക്ഷങ്ങള്,
ലോലഹൃദയാന്തരങ്ങളില് ചുവക്കും
തുടിപ്പാര്ന്ന മിടിപ്പുകള്,
നളന്ദാ-തക്ഷശിലാ വസന്താഗമങ്ങള്...
സര്ഗ്ഗസായൂജ്യങ്ങളെ ചരിത്രമാക്കും
മുഗ്ദ്ധ സുഷുപ്തീ ലയഭംഗീകാമനാകലികകള്... !
ഉള്ക്കണ്ണു തുറന്ന് ഞാന് വമ്പിലോര്ക്കവേ
പാടക്കോപ്പുകള് തോക്കുംവണ്ണം ചീറുന്നു...
അതേ, മൂന്നു പല്ലികള്, വാലുള്ളവ.
പിന്നെയാ യുദ്ധാവേശ ജാഥയിലവയെല്ലാം
വൃത്തബന്ധുരം ശിലാബന്ധിത വാക്യങ്ങളാല്
മര്ത്യമോക്ഷത്തിന് പുലയാട്ടുകള് തുടരുന്നു.
ആമാടപ്പെട്ടിമേല് മകനിപ്പോള്
സ്റ്റിക്കറൊട്ടിച്ചീടുന്നു:
"ദൈവമേ... നിന്പേരിപ്പോള്
പല്ലിയെന്നാണോ?
സ്തോത്രം... "
-----
മഴയില് നടക്കുമ്പോള്
മഴയില് നടക്കുമ്പോള്
മണക്കും ചോരക്കനല്,
ഉണരും സ്മൃതിയൊച്ച
ഒരൊറ്റച്ചിലമ്പു പോല്.
ഇടനീള്വഴി നീളെ
അഗ്രയാനത്തിന് പുത്തന്
പെരുമ്പാമ്പിഴയുമ്പോള്
തകില് കൊട്ടുന്നു പകല്.
തരളം വയലേല
കൈതപ്പൂങ്കരം നീട്ടി
മണപ്പിക്കുന്നകവും പുറവും
തിണര്ത്ത സ്നേഹത്താല്.
മഴക്കാറ്റുണരുമ്പോള്
മുകില്പ്പൂ നൃത്തം ചെയ്യും
മയില്ക്കാവടിപ്പെയ്ത്തായ്
മിഴികള് കലമ്പുന്നു,
തീര്ത്ഥക്കുടമുടയുന്നു.
മരിച്ച സ്നേഹങ്ങള് തന്
മുളമ്പൂ മുളയ്ക്കവേ
ചൊരിഞ്ഞ താപങ്ങള് തന്
കാടുണര്ന്നുലയുന്നുണ്ട്,
അടുത്തും അകലെയും.
മരിക്കാത്തവയെല്ലാം,
മുളയ്ക്കാ വിത്തായ് മണ്ണിന്
വിടരാച്ചുണ്ടിന് മൌനം
ഉമ്മവച്ചെടുക്കുന്നു.
രാത്രിതന് ചുരം താണ്ടി
ആഷാഢക്കുളിര് മോന്തി
ജ്വരവേദനകളില്
കല്പ്പാന്തം മണത്തുകൊണ്ട്
സ്വയമേതുറവയെ തേടുന്നു... ?
കടലിണ്റ്റെ കലിയും കവിതയും
ചേര്ത്തു മോന്തുന്നു ഞാന്.
തിമിരക്കാഴ്ച തിങ്ങും
മനസ്സാല് വടികുത്തിയിടറി,
തളരാതെ, പിന്മാറാതെ
ചികയുന്നകക്കണ്ണിന് തെളിദൃശ്യങ്ങള്...
സ്വപ്നബന്ധുരം ജീവിതാര്ഥം
മഴയില് നടക്കുമ്പോള്.
000
മണക്കും ചോരക്കനല്,
ഉണരും സ്മൃതിയൊച്ച
ഒരൊറ്റച്ചിലമ്പു പോല്.
ഇടനീള്വഴി നീളെ
അഗ്രയാനത്തിന് പുത്തന്
പെരുമ്പാമ്പിഴയുമ്പോള്
തകില് കൊട്ടുന്നു പകല്.
തരളം വയലേല
കൈതപ്പൂങ്കരം നീട്ടി
മണപ്പിക്കുന്നകവും പുറവും
തിണര്ത്ത സ്നേഹത്താല്.
മഴക്കാറ്റുണരുമ്പോള്
മുകില്പ്പൂ നൃത്തം ചെയ്യും
മയില്ക്കാവടിപ്പെയ്ത്തായ്
മിഴികള് കലമ്പുന്നു,
തീര്ത്ഥക്കുടമുടയുന്നു.
മരിച്ച സ്നേഹങ്ങള് തന്
മുളമ്പൂ മുളയ്ക്കവേ
ചൊരിഞ്ഞ താപങ്ങള് തന്
കാടുണര്ന്നുലയുന്നുണ്ട്,
അടുത്തും അകലെയും.
മരിക്കാത്തവയെല്ലാം,
മുളയ്ക്കാ വിത്തായ് മണ്ണിന്
വിടരാച്ചുണ്ടിന് മൌനം
ഉമ്മവച്ചെടുക്കുന്നു.
രാത്രിതന് ചുരം താണ്ടി
ആഷാഢക്കുളിര് മോന്തി
ജ്വരവേദനകളില്
കല്പ്പാന്തം മണത്തുകൊണ്ട്
സ്വയമേതുറവയെ തേടുന്നു... ?
കടലിണ്റ്റെ കലിയും കവിതയും
ചേര്ത്തു മോന്തുന്നു ഞാന്.
തിമിരക്കാഴ്ച തിങ്ങും
മനസ്സാല് വടികുത്തിയിടറി,
തളരാതെ, പിന്മാറാതെ
ചികയുന്നകക്കണ്ണിന് തെളിദൃശ്യങ്ങള്...
സ്വപ്നബന്ധുരം ജീവിതാര്ഥം
മഴയില് നടക്കുമ്പോള്.
000
Tuesday, July 07, 2009
അപമാനിതം
ആണി ഒരു രൂപകമാവാം.
ചുമരിലെ കലണ്ടര് തൂങ്ങിമരിച്ചത്
അത് അറിഞ്ഞിട്ടുണ്ടാവില്ല.
പുതുവര്ഷത്തിന്റെ മാസക്കളങ്ങളിലൂടെ
ഭൂഖണ്ഡങ്ങള് കുടിയിറങ്ങിപ്പോയതോ
സിംഹാസനങ്ങളെ കടലെടുത്തതോ
ആണി അറിഞ്ഞുകൊള്ളണമെന്നില്ല.
ചോരയെ ജലത്തിനു പകരംവച്ചതായുള്ള
യു. എന്. പ്രമേയത്തില് പ്രതിഷേധിക്കുന്ന
നദികളുടെ സംയുക്ത ജാഥയില്
മണല് നിറച്ച ലോറികള് പങ്കെടുത്തതും
ഒരു പക്ഷേ... ആണി അറിഞ്ഞിരിക്കില്ല!
എന്നാല്...
എണ്ണയ്ക്കു പകരം സംഹാരായുധം
എന്ന കാവ്യനീതി ആണിക്കറിയാമെന്നത്
തെല്ലൊക്കെ ആശ്വാസം പകരുന്നതായി
രാഷ്ട്രീയനിരീക്ഷകര് വിലയിരുത്തുന്നു.
ഭാവന
പുതുബോധം
വാക്കുപയോഗരീതി
തുടങ്ങിയ സാങ്കേതികവശങ്ങളില് തട്ടി
കാല്കുരുങ്ങി വീഴുന്നതാണ് വിധിയെങ്കില്,
വേറിട്ട ശബ്ദമൊന്നുമാവാതെ...
പരമകഷ്ടമാണ് കവികളുടെ കാര്യം!
കല്പ്പനയില് തറഞ്ഞുകയറിയ ചിലവ
കവിയുടെ നിരാധാര മനസ്സിനെ
അടയാളപ്പെടുത്തിയിട്ടുണ്ടാവാം.
മറ്റുള്ളവ...
കവിസ്മാരക പുരസ്കാരങ്ങളുടെ
സ്വര്ണ്ണമഴ സ്വപ്നം കണ്ടിരിക്കാം.
കവിതയില് മുനതള്ളി നില്ക്കുന്ന
തുരുമ്പിച്ച ആണികളെ സൂക്ഷിക്കണം.
പഴുപ്പു നിറഞ്ഞ വ്രണമായി
ആസ്വാദനത്തിന്റെ മരുവെളിച്ചത്തില്
മറ്റാരുടെയോ കാലിന്മേലേറിയുള്ള യാത്ര
തീര്ത്തും അസഹ്യമാണ്;
അപമാനിതവും.
ചുമരിലെ കലണ്ടര് തൂങ്ങിമരിച്ചത്
അത് അറിഞ്ഞിട്ടുണ്ടാവില്ല.
പുതുവര്ഷത്തിന്റെ മാസക്കളങ്ങളിലൂടെ
ഭൂഖണ്ഡങ്ങള് കുടിയിറങ്ങിപ്പോയതോ
സിംഹാസനങ്ങളെ കടലെടുത്തതോ
ആണി അറിഞ്ഞുകൊള്ളണമെന്നില്ല.
ചോരയെ ജലത്തിനു പകരംവച്ചതായുള്ള
യു. എന്. പ്രമേയത്തില് പ്രതിഷേധിക്കുന്ന
നദികളുടെ സംയുക്ത ജാഥയില്
മണല് നിറച്ച ലോറികള് പങ്കെടുത്തതും
ഒരു പക്ഷേ... ആണി അറിഞ്ഞിരിക്കില്ല!
എന്നാല്...
എണ്ണയ്ക്കു പകരം സംഹാരായുധം
എന്ന കാവ്യനീതി ആണിക്കറിയാമെന്നത്
തെല്ലൊക്കെ ആശ്വാസം പകരുന്നതായി
രാഷ്ട്രീയനിരീക്ഷകര് വിലയിരുത്തുന്നു.
ഭാവന
പുതുബോധം
വാക്കുപയോഗരീതി
തുടങ്ങിയ സാങ്കേതികവശങ്ങളില് തട്ടി
കാല്കുരുങ്ങി വീഴുന്നതാണ് വിധിയെങ്കില്,
വേറിട്ട ശബ്ദമൊന്നുമാവാതെ...
പരമകഷ്ടമാണ് കവികളുടെ കാര്യം!
കല്പ്പനയില് തറഞ്ഞുകയറിയ ചിലവ
കവിയുടെ നിരാധാര മനസ്സിനെ
അടയാളപ്പെടുത്തിയിട്ടുണ്ടാവാം.
മറ്റുള്ളവ...
കവിസ്മാരക പുരസ്കാരങ്ങളുടെ
സ്വര്ണ്ണമഴ സ്വപ്നം കണ്ടിരിക്കാം.
കവിതയില് മുനതള്ളി നില്ക്കുന്ന
തുരുമ്പിച്ച ആണികളെ സൂക്ഷിക്കണം.
പഴുപ്പു നിറഞ്ഞ വ്രണമായി
ആസ്വാദനത്തിന്റെ മരുവെളിച്ചത്തില്
മറ്റാരുടെയോ കാലിന്മേലേറിയുള്ള യാത്ര
തീര്ത്തും അസഹ്യമാണ്;
അപമാനിതവും.
Tuesday, June 09, 2009
വീട്ടുതടങ്കല്
ഇരുള് കിതയ്ക്കും വിഹാരമീ ജീവിതം.
അതിരുകള്ക്കും തടങ്ങള്ക്കുമപ്പുറം
പുലരിയുണ്ടോ?
പുരാണദേവാലയ സ്തുതികളുണ്ടോ?
മനസ്സു തുറന്നൊരാളകലെയുണ്ടോ?
അറിയില്ല...
മണ്മതില് ചിതല് പിടിച്ചതാണെങ്കിലും
കാറ്റിണ്റ്റെ ഹൃദയമര്മ്മരമിന്നുമനാഥമായ്
ചിതറിവീഴുന്നു രാവിന് കയങ്ങളില്.
മൊഴിമരങ്ങള് വിളിക്കുന്നു
പാഴ്നിഴല് പഴിപറഞ്ഞേ പുലമ്പുന്നു
പാട്ടുകള് പതിരുപെറ്റുപോം ഞാറ്റടിക്കാലവും
പറയിമുത്തശ്ശി തന് പഴങ്കഥകളും
വയലളന്നേ നടക്കുന്നു...
മാടനും മറുതയും വാഴുമിത്തിരിക്കാവിലോ
വയണ തിരിവയ്ക്കുമമ്പലക്കുന്നിലോ
ചിറകൊടിഞ്ഞുപോയൊരു കുഞ്ഞുപക്ഷിതന്
ചിരപരിചിത ക്ളാന്തനാദങ്ങളില്
തിരികെ വന്നു ഞാന് കൂടുതേടുന്നുവോ?
വഴിയരികിലെ കാഴ്ചകള്
പൊയ്ക്കാലു പതറിവീഴും പരീക്ഷകള്
ആള്ത്തിരക്കറിയുമെന്നാല് അലിഞ്ഞതില് മായുവാന്
കൊതിയെഴാത്തതാം ഏകാന്തമാനസം.
തകില് തെന്പാണ്ടിമേളം കൊഴുക്കുന്നു
മയില് പഞ്ചാരി തുള്ളിത്തകര്ക്കുന്നു
വിജനമുള്ളിലെ കാഴ്ച്ചപ്പുറങ്ങളില്
വിരസജീവിതക്കോലം തിമിര്ക്കുന്നു.
വിരഹി ഞാനീ വിമൂകസായന്തനം
വിധിവിഹിതമായ് മൊത്തിക്കുടിക്കുന്നു.
നിറയുമേതോ വിഷക്കോപ്പ തന്നുനീ
വിരഹിയെന്നെയുപേക്ഷിച്ചു പോകയോ...
സഹനചന്ദ്രികേ നിന്നെത്തിരഞ്ഞു ഞാന്
മൃതിവനത്തിന്നതിര്ത്തി താണ്ടുന്നുവോ?
എവിടെയായിരുന്നാലും തടങ്കലില്
എരിയുമുള്ളം കുരുന്നിലക്കൂമ്പു പോല്.
അതിനു സാന്ത്വനമാര് പകര്ന്നേകുമെ-
ന്നലയുവാന്മാത്രമെണ്റ്റെ തീര്ത്ഥാടനം.
ഇനി വിലാസം കുറിക്കുവാനി,ല്ലഹം
കപടനൃത്തച്ചുവടിളക്കുന്നൊരീനിമിഷവും കൂടി മായട്ടെ... !
ആരൊരാള് കുതിരമേലെറിയെത്തുവാന്
ശിഷ്ടമീ കുരുടജന്മം തിരിച്ചെടുത്തീടുവാന്?
*****
അതിരുകള്ക്കും തടങ്ങള്ക്കുമപ്പുറം
പുലരിയുണ്ടോ?
പുരാണദേവാലയ സ്തുതികളുണ്ടോ?
മനസ്സു തുറന്നൊരാളകലെയുണ്ടോ?
അറിയില്ല...
മണ്മതില് ചിതല് പിടിച്ചതാണെങ്കിലും
കാറ്റിണ്റ്റെ ഹൃദയമര്മ്മരമിന്നുമനാഥമായ്
ചിതറിവീഴുന്നു രാവിന് കയങ്ങളില്.
മൊഴിമരങ്ങള് വിളിക്കുന്നു
പാഴ്നിഴല് പഴിപറഞ്ഞേ പുലമ്പുന്നു
പാട്ടുകള് പതിരുപെറ്റുപോം ഞാറ്റടിക്കാലവും
പറയിമുത്തശ്ശി തന് പഴങ്കഥകളും
വയലളന്നേ നടക്കുന്നു...
മാടനും മറുതയും വാഴുമിത്തിരിക്കാവിലോ
വയണ തിരിവയ്ക്കുമമ്പലക്കുന്നിലോ
ചിറകൊടിഞ്ഞുപോയൊരു കുഞ്ഞുപക്ഷിതന്
ചിരപരിചിത ക്ളാന്തനാദങ്ങളില്
തിരികെ വന്നു ഞാന് കൂടുതേടുന്നുവോ?
വഴിയരികിലെ കാഴ്ചകള്
പൊയ്ക്കാലു പതറിവീഴും പരീക്ഷകള്
ആള്ത്തിരക്കറിയുമെന്നാല് അലിഞ്ഞതില് മായുവാന്
കൊതിയെഴാത്തതാം ഏകാന്തമാനസം.
തകില് തെന്പാണ്ടിമേളം കൊഴുക്കുന്നു
മയില് പഞ്ചാരി തുള്ളിത്തകര്ക്കുന്നു
വിജനമുള്ളിലെ കാഴ്ച്ചപ്പുറങ്ങളില്
വിരസജീവിതക്കോലം തിമിര്ക്കുന്നു.
വിരഹി ഞാനീ വിമൂകസായന്തനം
വിധിവിഹിതമായ് മൊത്തിക്കുടിക്കുന്നു.
നിറയുമേതോ വിഷക്കോപ്പ തന്നുനീ
വിരഹിയെന്നെയുപേക്ഷിച്ചു പോകയോ...
സഹനചന്ദ്രികേ നിന്നെത്തിരഞ്ഞു ഞാന്
മൃതിവനത്തിന്നതിര്ത്തി താണ്ടുന്നുവോ?
എവിടെയായിരുന്നാലും തടങ്കലില്
എരിയുമുള്ളം കുരുന്നിലക്കൂമ്പു പോല്.
അതിനു സാന്ത്വനമാര് പകര്ന്നേകുമെ-
ന്നലയുവാന്മാത്രമെണ്റ്റെ തീര്ത്ഥാടനം.
ഇനി വിലാസം കുറിക്കുവാനി,ല്ലഹം
കപടനൃത്തച്ചുവടിളക്കുന്നൊരീനിമിഷവും കൂടി മായട്ടെ... !
ആരൊരാള് കുതിരമേലെറിയെത്തുവാന്
ശിഷ്ടമീ കുരുടജന്മം തിരിച്ചെടുത്തീടുവാന്?
*****
Sunday, March 29, 2009
വിരഹാദ്യരാത്രി
സ്വര്ണ്ണം കിനിഞ്ഞു കിനിഞ്ഞ്
അലിഞ്ഞിറങ്ങിയ മാതിരി
അസ്തമയശോഭയുടെ ഉലകത്തിച്ച്
ലഹരിയുടെ തീര്ത്ഥങ്ങളില്
മുഴുകി നീന്താന് കൊതിയുണ്ടെങ്കിലും...
സ്വപ്നവും നോവുന്ന സത്യവും
ഇരുതട്ടുകളില് തുള്ളിയിളകവെ
പുതുഗന്ധങ്ങളുടെ പെയ്ത്തില്
നാം അഭിമുഖമിരിപ്പെങ്കിലും...
മധ്യത്തില് ഈ നീതിദേവതയുടെ
അന്ധവും ബധിരവുമായ ശിരസ്സില്
ഒച്ചയെടുക്കാത്ത മുറിനാവ്
കരുതലായ്
കുരുതിജന്മത്തെ
മറിച്ച് വായിക്കുന്നു.
കണ്ണിലാരാണ് ശരറാന്തല് കൊളുത്തിയത്?
കിനാവും കവിതയും ചേര്ത്ത്
ഉറക്കമിളച്ച് കാത്തത്?
കിടക്കവിരി മാറ്റി വിളക്കൂതിയത്?
അമ്പിളിത്തട്ടില് മുന്തിരിവീഞ്ഞും
കെട്ടിപ്പിടിക്കാന് മുയല്ക്കുഞ്ഞുങ്ങളുമായി
ശരത്കാലത്തിന്റെ ശയ്യാകാശത്തിലെ
മേഘങ്ങള് മുറുക്കിയ സാരംഗിയില്
ആരോ നിറുത്താതെ പാടുന്നതും
നമുക്കുവേണ്ടിയോ... പ്രിയേ?
ഒരു തവണ മൊത്തിയെങ്കിലും
ഒരിക്കലും കൊതിതീര്ക്കാത്തവിധം
നിശ്ചലം കണ്ണുതുറന്നിരിക്കട്ടെ
ആ പാനപാത്രം അവിടെ
അങ്ങനെത്തന്നെ
അചഞ്ചലം.
ഈ മുഖവും മനസ്സും പെയ്യുന്ന
വിധുവും അനല്പമധുവും
രുചികളെ തിരികെവിളിക്കുമ്പോള്
പാനപാത്രം എനിക്കെന്തിന്!
പ്രണയത്തിലുപരി ലഹരിയാകാന്
ഏത് മായാമദിരയാണുള്ളത്?
ക്ഷമിക്കുക...
ഓര്ത്തോര്ത്തിരിക്കെ
മറന്നു പോകുന്നു,
ഇത് വിരഹാദ്യരാത്രിയെന്ന്.
***
അലിഞ്ഞിറങ്ങിയ മാതിരി
അസ്തമയശോഭയുടെ ഉലകത്തിച്ച്
ലഹരിയുടെ തീര്ത്ഥങ്ങളില്
മുഴുകി നീന്താന് കൊതിയുണ്ടെങ്കിലും...
സ്വപ്നവും നോവുന്ന സത്യവും
ഇരുതട്ടുകളില് തുള്ളിയിളകവെ
പുതുഗന്ധങ്ങളുടെ പെയ്ത്തില്
നാം അഭിമുഖമിരിപ്പെങ്കിലും...
മധ്യത്തില് ഈ നീതിദേവതയുടെ
അന്ധവും ബധിരവുമായ ശിരസ്സില്
ഒച്ചയെടുക്കാത്ത മുറിനാവ്
കരുതലായ്
കുരുതിജന്മത്തെ
മറിച്ച് വായിക്കുന്നു.
കണ്ണിലാരാണ് ശരറാന്തല് കൊളുത്തിയത്?
കിനാവും കവിതയും ചേര്ത്ത്
ഉറക്കമിളച്ച് കാത്തത്?
കിടക്കവിരി മാറ്റി വിളക്കൂതിയത്?
അമ്പിളിത്തട്ടില് മുന്തിരിവീഞ്ഞും
കെട്ടിപ്പിടിക്കാന് മുയല്ക്കുഞ്ഞുങ്ങളുമായി
ശരത്കാലത്തിന്റെ ശയ്യാകാശത്തിലെ
മേഘങ്ങള് മുറുക്കിയ സാരംഗിയില്
ആരോ നിറുത്താതെ പാടുന്നതും
നമുക്കുവേണ്ടിയോ... പ്രിയേ?
ഒരു തവണ മൊത്തിയെങ്കിലും
ഒരിക്കലും കൊതിതീര്ക്കാത്തവിധം
നിശ്ചലം കണ്ണുതുറന്നിരിക്കട്ടെ
ആ പാനപാത്രം അവിടെ
അങ്ങനെത്തന്നെ
അചഞ്ചലം.
ഈ മുഖവും മനസ്സും പെയ്യുന്ന
വിധുവും അനല്പമധുവും
രുചികളെ തിരികെവിളിക്കുമ്പോള്
പാനപാത്രം എനിക്കെന്തിന്!
പ്രണയത്തിലുപരി ലഹരിയാകാന്
ഏത് മായാമദിരയാണുള്ളത്?
ക്ഷമിക്കുക...
ഓര്ത്തോര്ത്തിരിക്കെ
മറന്നു പോകുന്നു,
ഇത് വിരഹാദ്യരാത്രിയെന്ന്.
***
Monday, March 02, 2009
ലൈഫ് ലോംഗ് (കവിത)
മണിബന്ധത്തില് കുരുക്കി
ഉറപ്പിക്കുമ്പോള് ചോദ്യം:
'എത്ര കാലം ശരിയായി ചലിക്കും?'
'ലൈഫ് ലോംഗ്' എന്നു പറയാന്
ഒട്ടും വൈകിയില്ല.
'സമയം ശരിയായാലും പ്രശ്നമുണ്ടല്ലോ...
മണിക്കൂര് മിനിറ്റായും
മിഴിതുറന്നടയ്ക്കലായും കണക്കിലെഴുതും.
എഴുന്നേല്പ്പ്
നടപ്പ്
കിടപ്പ്
മരുന്നുകള്
തലക്കെട്ടു മാത്രം പത്രവായന
കുളി
ഭക്ഷണം
ടീവി കേള്ക്കല്...
എല്ലാറ്റിനും സമയത്തിന്റെ വിലക്കുണ്ടാവും!
വായിക്കാത്ത ജീവിതം
എത്ര നിഷ്പ്രയോജനം.'
- പരാതിയല്ല
- ആത്മഗതമാണ്.
കണ്പോളകളില് നീരുണ്ട്,
കാല്പ്പാദങ്ങള് പതറുന്നുണ്ട്,
ചുമ കഫക്കെട്ടായി ഇടറുന്നുണ്ട്.
എല്ലാറ്റിനും സമയത്തിന്റെ വിലക്കുണ്ടല്ലോ!
ഒടുവില്...
യാത്രയുടെ അവസാന ചീട്ടുമായി
ഇ. സി. ജി. മോണിറ്ററില്
ഇളംപച്ച നിറമുള്ള തിര ശാന്തമായി.
അമാവാസികള് മിഴിയിലേക്കിറങ്ങി.
അര്ദ്ധബോധത്തിലെ അവസാന വിളി
ആര്ക്കുള്ളതായിരുന്നു?
മണിബന്ധത്തില്
അപ്പോഴും തുടിച്ചു...
'ലൈഫ് ലോംഗാ'യിട്ടുള്ള സമയം!
***
ഉറപ്പിക്കുമ്പോള് ചോദ്യം:
'എത്ര കാലം ശരിയായി ചലിക്കും?'
'ലൈഫ് ലോംഗ്' എന്നു പറയാന്
ഒട്ടും വൈകിയില്ല.
'സമയം ശരിയായാലും പ്രശ്നമുണ്ടല്ലോ...
മണിക്കൂര് മിനിറ്റായും
മിഴിതുറന്നടയ്ക്കലായും കണക്കിലെഴുതും.
എഴുന്നേല്പ്പ്
നടപ്പ്
കിടപ്പ്
മരുന്നുകള്
തലക്കെട്ടു മാത്രം പത്രവായന
കുളി
ഭക്ഷണം
ടീവി കേള്ക്കല്...
എല്ലാറ്റിനും സമയത്തിന്റെ വിലക്കുണ്ടാവും!
വായിക്കാത്ത ജീവിതം
എത്ര നിഷ്പ്രയോജനം.'
- പരാതിയല്ല
- ആത്മഗതമാണ്.
കണ്പോളകളില് നീരുണ്ട്,
കാല്പ്പാദങ്ങള് പതറുന്നുണ്ട്,
ചുമ കഫക്കെട്ടായി ഇടറുന്നുണ്ട്.
എല്ലാറ്റിനും സമയത്തിന്റെ വിലക്കുണ്ടല്ലോ!
ഒടുവില്...
യാത്രയുടെ അവസാന ചീട്ടുമായി
ഇ. സി. ജി. മോണിറ്ററില്
ഇളംപച്ച നിറമുള്ള തിര ശാന്തമായി.
അമാവാസികള് മിഴിയിലേക്കിറങ്ങി.
അര്ദ്ധബോധത്തിലെ അവസാന വിളി
ആര്ക്കുള്ളതായിരുന്നു?
മണിബന്ധത്തില്
അപ്പോഴും തുടിച്ചു...
'ലൈഫ് ലോംഗാ'യിട്ടുള്ള സമയം!
***
Wednesday, February 25, 2009
പാചകക്കുറിപ്പുകള് (ഇന്നത്തെ സ്പെഷ്യല്)
പൊറുതിമുട്ടിയാല്
തയ്യാറാക്കാവുന്ന
ചില സ്പെഷ്യല് ഇനങ്ങളാണ്.
ഒന്ന്:
മൂര്ച്ചയുള്ള കത്തി
വീതിയുള്ള റബര്ബാന്ഡ്
ഇളം ചൂടുള്ള വെള്ളം (ആവശ്യത്തിന്).
രണ്ട്:
ഫ്യൂരഡാന് - 30 മില്ലിഗ്രാം
സ്ലീപിംഗ് പില്സ് - 15 എണ്ണം
എലിപ്പാഷാണം (ഒരു പൂവമ്പഴത്തില് മിക്സ് ചെയ്യാവുന്നത്ര!)
മൂന്ന്:
രണ്ടു മീറ്റര് കയര് (പൊട്ടാനിടയില്ലാത്ത തരം)
ചെറിയ സ്റ്റൂള് (സുമാര് രണ്ടടി ഉയരമുള്ളത്)
മുറിക്കുള്ളില് ഫാനില്ലാത്തവര്
പറമ്പിലെ മാവോ
അടുക്കളയിലെ കഴുക്കോലോ
മുന്കൂട്ടി കണ്ടുവെയ്ക്കുക.
അവശ്യം വേണ്ടുന്ന മറ്റു ടച്ചിംഗ്സ്:
ബാങ്കുവക ജപ്തി നോട്ടീസ് (അസ്സലും ഫോട്ടോകോപ്പിയും)
കടബാധ്യതയുടെ ചുരുക്കം (എഴുതിത്തള്ളേണ്ടുന്ന തുക ഉള്പ്പെടെ)
ആത്മഹത്യാക്കുറിപ്പ് (സ്വന്തം തീരുമാനമെന്ന് വ്യക്തമാക്കി ചുവപ്പിന്റെ അടിവരയിട്ടത്) അമ്പലം, പള്ളി, ചര്ച്ച് മുതലിടങ്ങളിലെ
വീട്ടാത്ത നേര്ച്ചകളുടെ ലിസ്റ്റ്.
പ്രണയാവശിഷ്ടമായ
നാലുവരി നാടന്പാട്ട്.
പാകം ചെയ്യേണ്ടുന്ന വിധം...?
അവരവരുടെ അഭിരുചിയും
സൗകര്യവും പോലെ
ആര്ക്കും ശ്രമിക്കാം.
ചൂടോടെയും അല്ലാതെയും അതീവ ആസ്വാദ്യകരം.
സാഹിത്യരോഗികള്ക്കുള്ള മുന്നറിയിപ്പ്:
ഇടപ്പള്ളി, നന്ദനാര്, രാജലക്ഷ്മി
ആദിയായയവരുടെ റഫറന്സുകളും
വൈയക്തികസമസ്യകളും
ടിപ്പണമാക്കാവുന്നതാണ്.
***
ഏതെങ്കിലും ടി. വി. ചാനലുകാര്
സംഭവം ഹൈലൈറ്റ് ചെയ്തേക്കാം.
‘ചത്തു കിടന്നാലും ചമഞ്ഞുവേണം.’
000
തയ്യാറാക്കാവുന്ന
ചില സ്പെഷ്യല് ഇനങ്ങളാണ്.
ഒന്ന്:
മൂര്ച്ചയുള്ള കത്തി
വീതിയുള്ള റബര്ബാന്ഡ്
ഇളം ചൂടുള്ള വെള്ളം (ആവശ്യത്തിന്).
രണ്ട്:
ഫ്യൂരഡാന് - 30 മില്ലിഗ്രാം
സ്ലീപിംഗ് പില്സ് - 15 എണ്ണം
എലിപ്പാഷാണം (ഒരു പൂവമ്പഴത്തില് മിക്സ് ചെയ്യാവുന്നത്ര!)
മൂന്ന്:
രണ്ടു മീറ്റര് കയര് (പൊട്ടാനിടയില്ലാത്ത തരം)
ചെറിയ സ്റ്റൂള് (സുമാര് രണ്ടടി ഉയരമുള്ളത്)
മുറിക്കുള്ളില് ഫാനില്ലാത്തവര്
പറമ്പിലെ മാവോ
അടുക്കളയിലെ കഴുക്കോലോ
മുന്കൂട്ടി കണ്ടുവെയ്ക്കുക.
അവശ്യം വേണ്ടുന്ന മറ്റു ടച്ചിംഗ്സ്:
ബാങ്കുവക ജപ്തി നോട്ടീസ് (അസ്സലും ഫോട്ടോകോപ്പിയും)
കടബാധ്യതയുടെ ചുരുക്കം (എഴുതിത്തള്ളേണ്ടുന്ന തുക ഉള്പ്പെടെ)
ആത്മഹത്യാക്കുറിപ്പ് (സ്വന്തം തീരുമാനമെന്ന് വ്യക്തമാക്കി ചുവപ്പിന്റെ അടിവരയിട്ടത്) അമ്പലം, പള്ളി, ചര്ച്ച് മുതലിടങ്ങളിലെ
വീട്ടാത്ത നേര്ച്ചകളുടെ ലിസ്റ്റ്.
പ്രണയാവശിഷ്ടമായ
നാലുവരി നാടന്പാട്ട്.
പാകം ചെയ്യേണ്ടുന്ന വിധം...?
അവരവരുടെ അഭിരുചിയും
സൗകര്യവും പോലെ
ആര്ക്കും ശ്രമിക്കാം.
ചൂടോടെയും അല്ലാതെയും അതീവ ആസ്വാദ്യകരം.
സാഹിത്യരോഗികള്ക്കുള്ള മുന്നറിയിപ്പ്:
ഇടപ്പള്ളി, നന്ദനാര്, രാജലക്ഷ്മി
ആദിയായയവരുടെ റഫറന്സുകളും
വൈയക്തികസമസ്യകളും
ടിപ്പണമാക്കാവുന്നതാണ്.
***
ഏതെങ്കിലും ടി. വി. ചാനലുകാര്
സംഭവം ഹൈലൈറ്റ് ചെയ്തേക്കാം.
‘ചത്തു കിടന്നാലും ചമഞ്ഞുവേണം.’
000
Thursday, February 12, 2009
കിളിപ്പാട്ട്
കാതിലെത്താന് വൈകുന്ന
കിളിപ്പാട്ടുകളൊക്കെ
ആകാശം മേഘക്കീറില്
നക്ഷത്രത്താല് പകര്ത്തുന്നുണ്ടാവാം.
നാളത്തെ വെയിലിലോ
മറ്റൊരിക്കല് മഴയിലോ
ഋതുഗീതമായ് അലിയിച്ച്
ഭൂമിക്ക് തിരികെത്തരാന്.
അതുകൊണ്ടായിരിക്കാം
നോവുകള് പൊള്ളിക്കുന്ന
കടുത്ത വേനല് സഹിക്കാനും
കരളിനെ കുളുര്പ്പിക്കുന്ന
നനുത്ത മഴകളെ പ്രണയിക്കാനും
നം അനുശീലിച്ചത്.
സത്യത്തില് ഓരോ കിളിപ്പാട്ടും
ഒരു സന്ദേശമാവം.
ചോരയുറയുന്ന നേരിന്റെ
നേര്ത്തലിയുന്ന ഒരീണം
വെട്ടിത്തിളയ്ക്കുന്ന ക്രൗര്യത്തിന്റെ
അപ്രിയമായ ഒരു പൊള്ളല്.
തിളച്ചവെള്ളവും പൂച്ചയും
മനസ്സിനുള്ളിലെ ധ്രുവങ്ങളില്
ഇപ്പോഴും അങ്ങനെതന്നെ
പതിഞ്ഞുകിടക്കുന്നു...
കിളിപ്പാട്ടുകളാല് ഉണര്ത്തപ്പെടാതെ.
***
കിളിപ്പാട്ടുകളൊക്കെ
ആകാശം മേഘക്കീറില്
നക്ഷത്രത്താല് പകര്ത്തുന്നുണ്ടാവാം.
നാളത്തെ വെയിലിലോ
മറ്റൊരിക്കല് മഴയിലോ
ഋതുഗീതമായ് അലിയിച്ച്
ഭൂമിക്ക് തിരികെത്തരാന്.
അതുകൊണ്ടായിരിക്കാം
നോവുകള് പൊള്ളിക്കുന്ന
കടുത്ത വേനല് സഹിക്കാനും
കരളിനെ കുളുര്പ്പിക്കുന്ന
നനുത്ത മഴകളെ പ്രണയിക്കാനും
നം അനുശീലിച്ചത്.
സത്യത്തില് ഓരോ കിളിപ്പാട്ടും
ഒരു സന്ദേശമാവം.
ചോരയുറയുന്ന നേരിന്റെ
നേര്ത്തലിയുന്ന ഒരീണം
വെട്ടിത്തിളയ്ക്കുന്ന ക്രൗര്യത്തിന്റെ
അപ്രിയമായ ഒരു പൊള്ളല്.
തിളച്ചവെള്ളവും പൂച്ചയും
മനസ്സിനുള്ളിലെ ധ്രുവങ്ങളില്
ഇപ്പോഴും അങ്ങനെതന്നെ
പതിഞ്ഞുകിടക്കുന്നു...
കിളിപ്പാട്ടുകളാല് ഉണര്ത്തപ്പെടാതെ.
***
Subscribe to:
Posts (Atom)