സംഭവം ലൈവായാല്
സംഗതി കിടിലന്...!
സാധനം അപ്പപ്പോള് ഷൂട്ടണം.
മരണത്തിന്റെ മണിനാദമല്ല
മദിപ്പിക്കുന്ന കാലൊച്ചകള്
സെക്കന്ഡുകളെ ഹരിച്ചും
ഡിജിറ്റലായി രേഖപ്പെടുത്തണം.
കത്തുന്ന നാവ്....!
വേതാളസന്ദേശമല്ല ഭൂപാളവിസ്മയമാണ്
സംപ്രേഷണം ചെയ്വതെന്ന്
മന്ദ്രസ്ഥായിയില് യന്ത്രിക്കണം.
ചെകുത്താന്റെ വക്കീലെന്ന്
ചെറുവൃത്തജീവിയെന്ന്
ഉച്ചസ്ഥായിയില് ഉപഹസിക്കണം.
ചെറിയോന്റെ നിഴല്നിലത്തില്
കുലയ്ക്കാത്ത വാഴയെന്ന്
ചെമ്മണ്ണുതേച്ച് ഉത്തരോദ്ധരിക്കണം!
ആസ്ഥാനപദവിയിലില്ലാത്ത
അസ്ഥാനപൂച്ചയെന്നും
പ്രസ്ഥാനമന്ദിരോപാന്തത്തിലെ
വിപ്രലംഭശൃഗാരിയെന്നും
ഈയമുരുക്കി ചെവി നിറയ്ക്കണം.
ഒടുവിലത്തെ ജലപാനവിഭ്രമത്തിലും
സ്ഥലവിഭ്രാന്തിയുടെ ചുരുക്കെഴുത്തും
പിന്വാങ്ങലിന്റെ ചിറകൊച്ചയും
ഒന്നും അപ്രധാനമല്ലാത്ത
നാടകജീവിതത്തിന്റെ ലൈവ്....
ദാ... ഒപ്പിച്ചല്ലോ...
സംഗതി കിടിലന്!
***
(ഏറെക്കാലത്തിനുശേഷമുള്ള ഒരു പോസ്റ്റ്)
കവിതയുടെ തേള്വിഷം കരളില്, കവിതയുടെ തേന്സ്വരം നാവില്, കവിതയുടെ തേങ്ങല് അകമ്പുറം, ഇത് ഭാഷയില്ലാത്ത നോവ്!
Friday, November 09, 2007
തത്സമയം
Subscribe to:
Posts (Atom)