പൊറുതിമുട്ടിയാല്‍
തയ്യാറാക്കാവുന്ന
ചില സ്പെഷ്യല് ഇനങ്ങളാണ്‌.
ഒന്ന്‌:
മൂര്‍ച്ചയുള്ള കത്തി
വീതിയുള്ള റബര്‍ബാന്‍ഡ്‌
ഇളം ചൂടുള്ള വെള്ളം (ആവശ്യത്തിന്‌).
രണ്ട്‌:
ഫ്യൂരഡാന്‍ - 30 മില്ലിഗ്രാം
സ്ലീപിംഗ്‌ പില്‍സ്‌ - 15 എണ്ണം
എലിപ്പാഷാണം (ഒരു പൂവമ്പഴത്തില്‍ മിക്സ്‌ ചെയ്യാവുന്നത്ര!)
മൂന്ന്‌:
രണ്ടു മീറ്റര്‍ കയര്‍ (പൊട്ടാനിടയില്ലാത്ത തരം)
ചെറിയ സ്റ്റൂള്‍ (സുമാര്‍ രണ്ടടി ഉയരമുള്ളത്‌)
മുറിക്കുള്ളില്‍ ഫാനില്ലാത്തവര്‍
പറമ്പിലെ മാവോ
അടുക്കളയിലെ കഴുക്കോലോ
മുന്‍കൂട്ടി കണ്ടുവെയ്ക്കുക.
അവശ്യം വേണ്ടുന്ന മറ്റു ടച്ചിംഗ്സ്‌:
ബാങ്കുവക ജപ്തി നോട്ടീസ്‌ (അസ്സലും ഫോട്ടോകോപ്പിയും)
കടബാധ്യതയുടെ ചുരുക്കം (എഴുതിത്തള്ളേണ്ടുന്ന തുക ഉള്‍പ്പെടെ)
ആത്മഹത്യാക്കുറിപ്പ്‌ (സ്വന്തം തീരുമാനമെന്ന്‌ വ്യക്തമാക്കി ചുവപ്പിന്റെ അടിവരയിട്ടത്‌) അമ്പലം, പള്ളി, ചര്‍ച്ച്‌ മുതലിടങ്ങളിലെ
വീട്ടാത്ത നേര്‍ച്ചകളുടെ ലിസ്റ്റ്‌.
പ്രണയാവശിഷ്ടമായ
നാലുവരി നാടന്‍പാട്ട്‌.
പാകം ചെയ്യേണ്ടുന്ന വിധം...?
അവരവരുടെ അഭിരുചിയും
സൗകര്യവും പോലെ
ആര്‍ക്കും ശ്രമിക്കാം.
ചൂടോടെയും അല്ലാതെയും അതീവ ആസ്വാദ്യകരം.
സാഹിത്യരോഗികള്‍ക്കുള്ള മുന്നറിയിപ്പ്:
ഇടപ്പള്ളി, നന്ദനാര്‍, രാജലക്ഷ്മി
ആദിയായയവരുടെ റഫറന്‍സുകളും
വൈയക്തികസമസ്യകളും
ടിപ്പണമാക്കാവുന്നതാണ്‌.
***
ഏതെങ്കിലും ടി. വി. ചാനലുകാര്‍
സംഭവം ഹൈലൈറ്റ് ചെയ്തേക്കാം.
‘ചത്തു കിടന്നാലും ചമഞ്ഞുവേണം.’
000
8 comments:
'ചത്തു കിടന്നാലും ചമഞ്ഞുകിടക്കണം.' ഈ കാലത്തിണ്റ്റെ വരികള്‍. മൈനാഗണ്റ്റെ പാചകക്കുറിപ്പ്‌ ഇഷ്ടപ്പെട്ടു. നല്ല മാര്‍കറ്റാണ്‌ ഇപ്പോള്‍.
അതു കൊള്ളാം
;)
സ്ലീപ്പിംഗ് പിത്സ് കൂട്ടി വയ്ക്കുകയായിരുന്നു. ഒരുമിച്ച് വിഴുങ്ങുവാന്‍. അപ്പോളാണ് ഈ കുറിപ്പ് കണ്ടത്. അതോടെ ആ ഉദ്യമം ഉപേക്ഷിച്ചു.
ട്രൈ ചെയ്യാന്‍ പറ്റിയ വേറേ സ്പെഷ്യല് വല്ലതുമുണ്ടോ?
ഈ കാലഘട്ടത്തിലെ ഏറ്റവും നല്ല പാചക കുറിപ്പ്... ഒന്നാം സമ്മാനം നന്നായി ചേര്‍ത്ത് അടക്കാവുന്ന ആറടി നീളമുള്ള ഒരു പെട്ടി... !
ആദരാഞ്ജലികള്‍... !!
:)
നന്ദി, സ്നേഹിതരേ.
ആത്മഹത്യയ്ക്ക് പ്രേരിപ്പിക്കുകയാണെന്ന് ആരോപിച്ച് ആരെങ്കിലും ‘തെറി’ വിളിക്കുമെന്നാ ഞാന്‍ കരുതിയത്.
ഈ ജലാശയത്തിന്റെ
അഗാധ നീലിമയില്‍
എനിക്കു തിരയേണം നരക കവാടം
ഒന്നും രണ്ടും മുങ്ങി
മൂന്നാമതൊന്നും കൂടി
ഊളിയിട്ടിറങ്ങേണം
മൃത്യുവിന്നടുത്തെത്താന്‍ .....
ഇവിടെയീ എടുപ്പിന്റെ
പതിനൊന്നാം നിലയുടെ
അതിരില്ലാ വിളുമ്പില്‍ നിന്നും
താഴത്തെക്കൊരു നീന്തല്‍
അഞ്ചടിപ്പൊക്കം കൊണ്ടീ
ആഴത്തെ അളന്നിട്ടു
ഒരു ചാക്കിലൊതുങ്ങാനായ്
അറിയാതെയോരാവേശം....
അല്ലെങ്കിലൊരു കത്തി തന്‍
മൂര്‍ച്ചയൊന്നറിയാനായ്
ഇടം കൈ തണ്ട തന്നെ.....
ഉള്ളിലെ വിഷമെല്ലാം
പുറത്തേക്കൊഴുക്കീട്ടൊ -
രഭിനവ ജ്ഞാന സ്നാനം......
അമ്മയുടെ പേര്‍ക്കാവാം
ഫാനിലീ ഗരുഡന്‍ തൂക്കം
പും നരകമൊഴിയാനായ്
എന്‍റെയീ തുലാഭാരം......
അല്ലെങ്കില്‍,
എടുക്കാമൊരു വിഷപ്പാമ്പിനെ ,
അതിന്‍ ചുംബനം ഏറ്റു വാങ്ങാം
ഞാനൊരു സുന്ദരി ചമയട്ടെ..
ഇനിയെത്ര നേരം?
ഒരു വെണ്‍ മുത്തിനെയീ
ചഷകത്തില്‍ പൊടിച്ചിട്ട്
തിളയ്കും വീഞ്ഞിന്‍ കൂട്ടായ്..
ഇങ്ങനെ ഒക്കെ ഒരിക്കല്‍ ഞാനും എഴുതിയതാണ്..പോസ്റ്റ് ചെയ്യാന്‍ ധൈര്യം കിട്ടിയില്ല.. ഇപ്പോള്‍ ഇത് കണ്ടപ്പോള്‍ ഒരു സന്തോഷം...എനിക്കിഷ്ടമായി....
നല്ല രചന,നന്നായിട്ടുണ്ട്
ദയവു ചെയ്‌തു എന്റെ കവിതകള്‍ വായിച്ചാലും
സുനില്‍ ജയിക്കബ്ബ്, ചിറ്റഞ്ഞൂര്‍ കവിതകള്‍
kurachch paachakam padikkam ennu vicharichc google thappiyappo kittiyath ithu ....
shivetta kalikaalam ennaallathe enthu parayaan....
Post a Comment