കുക്കുടാധിപത്യവാദികളില്‍
ഒരു തീവ്രന്‍ നേതാവ്‌
പ്രതിഷേധിച്ചു.
ഉല്‍പ്പന്നത്തിന്‌ നേരിടാനുള്ള
ഭൗതികവും ആത്മീയവുമായവെല്ലുവിളികള്‍
എന്ന വിഷയത്തില്‍അവനെന്നെ വേട്ടയാടി.
"പച്ചക്കറികള്‍ ഭാഗ്യമുള്ളവര്‍!
മണ്ണടിയുന്ന ഉടല്‍ ബാക്കിയായി
വിത്തുകളിലെ തപസ്സുണര്‍ന്ന്‌
അവര്‍ക്കുണ്ടാവുന്നു പിന്‍ഗാമികള്‍.
പൂവിടുമ്പോഴേ താരാട്ടും തീനൂട്ടും
പിറക്കുമ്പോള്‍ ലാളനയും സ്നേഹവും.
കാല്‍വിരിഞ്ഞ മുട്ടകള്‍
നടക്കാന്‍ തുടങ്ങുമ്പോഴേ
തടിയും തൂക്കവും കുറിക്കപ്പെടുന്ന
കുക്കുടജീവിതങ്ങള്‍ നേടുന്നത്‌
കാറ്റുപോലും പിന്തിരിഞ്ഞോടുന്ന ജയിലറ.
മനുഷ്യാധമാ,
അവകാശങ്ങളെക്കുറിച്ച്‌
സ്വാതന്ത്ര്യത്തെക്കുറിച്ച്‌
നീ വാചാലനാവരുത്‌!
സ്റ്റീറോയിഡീകരിച്ച ഞങ്ങളുടെ ഉടല്‍
പതുപതുപ്പും രുചിസമൃദ്ധികളും
പരസ്യപ്പെടുത്തുന്നുവെങ്കില്‍
കൊതിക്കടലില്‍ കപ്പലോടിക്കുന്ന
നിന്റെ തലയില്‍കുറിക്കപ്പെട്ടുകഴിഞ്ഞു...
അസ്ഥിമജ്ജകളിലെ നീര്‍ക്കെട്ട്‌
ആസനാന്ത്യത്തിലെ അഗ്നിപര്‍വതം..."
ശേഷിക്കുന്ന കാലം...
വല്ല റൊട്ടിയോ വെള്ളരിയോ
മോരോ മുതിരയോ മുരിങ്ങക്കയോ
എന്ന്‌ സമാധാനിച്ച്‌
നീട്ടിയൊരു നടത്തം വെച്ചുകൊടുത്തു.
അപ്പോഴും...
കുപിതകുക്കുടം
തിളച്ച എണ്ണയില്‍ നീന്തുമ്പോലെ
പറഞ്ഞുകൊണ്ടേയിരുന്നു.
"അതുകൊണ്ട്‌...
മനുഷ്യാധമാ
അവകാശങ്ങളെക്കുറിച്ച്‌
സ്വാതന്ത്ര്യത്തെക്കുറിച്ച്‌
നീ വാചാലനാവരുത്‌!
000
7 comments:
"കുപിതകുക്കുടം" -
പുതിയ കവിതാപ്രഹസനം
കോഴിപ്രിയര്‍ക്കായി പ്രത്യേകം തയ്യറാക്കിയത്‌.
അണ്ണാ ...നമ്മുടെ വയറ്റത്ത് അടിക്കാതെ .......എന്ത് നല്ല കോഴികള്‍ അല്ലെ ????/
"അതുകൊണ്ട്‌...
മനുഷ്യാധമാ
അവകാശങ്ങളെക്കുറിച്ച്‌
സ്വാതന്ത്ര്യത്തെക്കുറിച്ച്‌
നീ വാചാലനാവരുത്‌!
----
ഇല്ലാ, ഇല്ലേയില്ല.
ജയില്‍, ഡിപോര്‍ട്ടേഷന്‍.....
(വേല വേലായുധന്റടുത്തോ, അല്ലേ?)
ശശിയേട്ടനെന്താ പറഞ്ഞേ, പാഠം പഠിച്ചെന്നാ?
കവിത നന്നായി.
നല്ല കവിത.
വളരെ നന്നായിരിക്കുന്നു.. ഭാവുകങ്ങള്‍..!
കവിത നന്നായി.
തലക്കെട്ട് ഇങ്ങനെ വേണ്ടായിരുന്നു എന്നാണ് അഭിപ്രായം:)
Post a Comment